Portugal defeats Croatia 2-1 to advance in World Cup 2026 : फिफा वर्ल्ड कप 2026 मधील राउंड ऑफ 32 च्या एका हाय-व्होल्टेज सामन्यात फुटबॉल इतिहासातील एक मोठा व्हार स्निको वाद समोर आला आहे. पोर्तुगाल आणि क्रोएशिया यांच्यातील या सामन्यात असे काही घडले, ज्याने फुटबॉल चाहत्यांना पुरते हादरवून सोडले. सामन्याच्या शेवटच्या सेकंदांमध्ये बरोबरीचा गोल करूनही, क्रोएशियाला स्निको (Snicko) तंत्रज्ञानाच्या एका अत्यंत सूक्ष्म निर्णयामुळे 2-1 ने पराभवाचा सामना करावा लागला. या वादग्रस्त निर्णयामुळे क्रोएशियाचे विश्वचषकातील आव्हान संपुष्टात आले.
103व्या मिनिटाला झाला हाय-व्होल्टेज ड्रामा (Portugal vs Croatia FIFA World Cup 2026)
सामन्यात सुरुवातीला क्रोएशियाच्या इव्हान पेरिसिकने 53 व्या मिनिटाला गोल करत आपल्या टीमला 1-0 अशी आघाडी मिळवून दिली होती. त्यानंतर पोर्तुगालच्या क्रिस्टियानो रोनाल्डोने पेनल्टीचे गोलमध्ये रूपांतर करून सामन्यात 1-1 अशी बरोबरी साधली. सामना एक्स्ट्रा टाईमकडे सरकतोय असे वाटत असतानाच, 94 व्या मिनिटाला पोर्तुगालच्या गोन्सालो रामोसने एक अप्रतिम हेडर मारत गोल केला आणि पोर्तुगालला 2-1 ने पुढे नेले.
AC Milan bound, GONCALO RAMOS gives PORTUGAL THE LEAD IN THE 94TH MINUTE with an all important strike that will excite Diogo Jota in heaven and millions of Portuguese fans back in Lisbon 🇵🇹⚽🔥🥂😎
Portugal 2-1 Croatia. pic.twitter.com/A4rYudLRQx
— #AUGUST25/TEAMVIRGO🐐 (@fadeyiolayinka) July 3, 2026
परंतु, खरा थरार सामन्याच्या अगदी शेवटच्या सेकंदांमध्ये म्हणजेच 103 व्या मिनिटाला पाहायला मिळाला. क्रोएशियाच्या मारिओ पसालिकच्या पासवर जोसको ग्वार्डिओलने चेंडू थेट नेटमध्ये धाडला. क्रोएशियाच्या गोटात एकच जल्लोष सुरू झाला, कारण सामना आता एक्स्ट्रा टाईममध्ये जाणार असे स्पष्ट दिसत होते.
The ball literally has a sensor. It clearly shows the Croatia player touched it, putting the goalscorer offside. It’s not rocket science.pic.twitter.com/RZtV6GEx9E https://t.co/smKAneGw1V
— AB⚕ (@AbsoluteBruno) July 3, 2026
क्रोएशियाचा हा आनंद फार काळ टिकू शकला नाही. फुटबॉलमध्ये वापरण्यात आलेल्या स्निको तंत्रज्ञानाने (जे चेंडूचा अगदी बारीक स्पर्शही शोधून काढते) रिप्लेमध्ये एक धक्कादायक गोष्ट दाखवली. जेव्हा चेंडू बॉक्समध्ये येत होता, तेव्हा क्रोएशियाच्या इगोर माटानोविचच्या डोक्याला चेंडू अगदी हलकासा लागून गेला होता. मानवी डोळ्यांना हा स्पर्श दिसणे निव्वळ अशक्य होते.
सामान्यतः ऑफसाईडच्या निर्णयांसाठी मुख्य रेफरीला स्क्रीनवर बोलावले जात नाही, परंतु रेफरी एस्पेन एस्कास स्वतः मॉनिटरकडे गेले. VAR च्या सखोल तपासणीनंतर त्यांनी क्रोएशियाचा हा बरोबरीचा गोल बेकायदेशीर ठरवला. या निर्णयामुळे पोर्तुगालने थेट राउंड ऑफ 16 मध्ये प्रवेश केला, जिथे आता त्यांचा सामना स्पेनशी होणार आहे.
🇭🇷 Croatia fans erupt after Gvardiol’s goal vs Portugal gets chalked off.
Trash flying everywhere, with pure rage amongst the crowd.
The entire stadium turned into a pressure cooker… This is why we love (and fear) international football
Writer: Valpic.twitter.com/sI0pxu1FpP
— Mario Nawfal (@MarioNawfal) July 3, 2026
संतप्त चाहत्यांनी मैदानावर फेकल्या बाटल्या (Var Snicko controversy Fan Throw Bottle On Pitch)
या धक्कादायक निर्णयामुळे क्रोएशियाचे चाहते प्रचंड संतप्त झाले. त्यांनी आपला राग व्यक्त करत बीएमओ फील्ड मैदानावर पाण्याच्या बाटल्या फेकण्यास सुरवात केली, ज्यामुळे सामना काही काळ थांबवावा लागला. परिस्थिती नियंत्रणात आणण्यासाठी गोल करणारा खेळाडू पेरिसिकला स्वतः चाहत्यांना शांत करण्यासाठी जावे लागले.
हे ही वाचा –
