Aamir Khan Marry Girlfriend Gauri Spratt: बॉलिवूडचा (Bollywood News) ‘मिस्टर परफेक्शनिस्ट’ (Mr. Perfectionist) आमिर खान (Aamir Khan) पुन्हा एकदा विवाहबंधनात अडकणार आहे. वयाच्या 61 व्या वर्षी, आमिर 5 जुलै 2026 ला त्याची प्रेयसी गौरी स्प्रॅट (Gauri Spratt) हिच्याशी आपली लग्नगाठ बांधणार आहे. मात्र, यावेळी कोणताही बडेजाव किंवा भव्य सोहळा न करता, केवळ कुटुंबाच्या उपस्थितीत मुंबईत (Mumbai News) हा विवाहसोहळा पार पडणार आहे.
मीडिया रिपोर्टनुसार, आमिर खान आणि गौर स्प्रॅट यांचा विवाहसोहळा अत्यंत खाजगी स्वरूपाचा असेल आणि त्यात केवळ कुटुंबीय, जवळचे मित्रच सहभागी होतील. लग्नानंतर बॉलिवूडमधील मोठा सोहळा किंवा भव्य रिसेप्शन आयोजित करण्याची सध्या तरी कोणतीही योजना नाही.
आमिर आणि गौरी ‘स्पेशल मॅरेज ॲक्ट’ अंतर्गत त्यांच्या लग्नाची नोंदणी करतील. कायदेशीर प्रक्रिया पूर्ण झाल्यानंतर, आमिरच्या घरीच कुटुंबासोबत एक छोटासा आणि खासगी स्वरूपाचा सोहळा साजरा केला जाईल. या कार्यक्रमाला बॉलिवूडमधील कोणत्याही व्यक्तीला निमंत्रित केलेलं नाही, तर अगदी त्याचे जवळचे मित्र सलमान खान (Salman Khan) आणि शाहरुख खानही (Shah Rukh Khan) यावेळी त्याच्यासोबत दिसणार नाहीत.
गौरी स्प्रॅटसोबत दीर्घकाळापासूनचं नातं
गेल्या काही महिन्यांत आमिर खानची मैत्रीण गौरी स्प्रॅट ही चर्चेत आली. आमिरनं स्वतः त्याच्या वाढदिवसाच्या दिवशी पहिल्यांदाच त्यांच्या नात्याबद्दल जाहीरपणे सांगितलंय.
गौरी स्प्रॅट मूळची बंगळुरूची आहे, तिची आई भारतीय आहे, तर वडील आयरिश आहेत. गौरी दीर्घकाळापासून कॉर्पोरेट आणि व्यावसायिक क्षेत्राशी जोडलेली आहे. मीडिया रिपोर्टनुसार, तिनं फॅशन, सौंदर्य आणि लाइफस्टाईल संबंधित व्यवसायांमध्येही काम केलंय. आमिर खान आणि गौरी स्प्रॅट यांची ओळख नवी नाही, ते एकमेकांना सुमारे 25 वर्षांपासून ओळखतात. मात्र, त्यांच्यातील प्रेमाची सुरुवात काही वर्षांपूर्वीच झाली आणि त्यांचं नातं हळूहळू अधिक दृढ होत गेलं.
मीडिया रिपोर्टनुसार, गौरीचं यापूर्वी लग्न झालं होतं आणि तिला एक मुलगा आहे. दरम्यान, दोन लग्नांनंतर आमिर खान आता आपल्या आयुष्यातील एका नव्या अध्यायाची सुरुवात करण्याच्या तयारीत आहे. त्यांच्या कुटुंबीयांची भेट झाली असून, गौरीचं आमिर खानच्या मुलांशीही चांगले संबंध असल्याचं समजतंय. आपल्या 60 व्या वाढदिवसानिमित्त माध्यमांशी संवाद साधताना गौरीची जगाशी ओळख करून देताना आमिर खान म्हणाला की, त्याला अशी जोडीदार मिळाली आहे, जिच्यासोबत त्याला अत्यंत कम्फर्टेबल आणि आनंदी वाटतं. तेव्हापासून ही जोडी अनेकदा एकत्र दिसली आणि त्यांच्या लग्नाबाबतच्या चर्चा सतत रंगत आहेत.
आमिर खानचं गौरीसोबतचं तिसरं लग्न
आमिर खाननं पहिलं लग्न रीना दत्ता यांच्यासोबत केलेलं. दोघांना दोन मुलं आहेत, जुनैद खान आणि आयरा खान. जवळपास 16 वर्षांपासून एकत्र राहिल्यानंतर 2002 मध्ये दोघांनी घटस्फोट घेतला. त्यानंतर आमिर खाननं 2005 मध्ये फिल्ममेकर किरण राव यांच्याशी दुसरं लग्न केलं. दोघांना एक मुलगा आजाद राव खान आहे. दरम्यान, लग्नानंतर तब्बल 15 वर्षांनी 2021 मध्ये आमिर आणि किरण यांनी आपसी सहमतीनं घटस्फोट घेतला. त्यानंतर आजही दोघांमधील मैत्री कायम आहे आणि मुलाचं संगोपन दोघेही एकत्र करत आहेत. दोन लग्न मोडल्यानंतर आता आमिर खान आपल्या आयुष्याची नवी सुरुवात करणार आहे. गौरीवर आणि आमिर खानवर चाहत्यांकडून शुभेच्छांचा वर्षाव केला जातोय.
महत्त्वाच्या इतर बातम्या :
