Siya Goyal Video : केतन अग्रवाल हत्या प्रकरणात रोज नवीन खुलासे होत असताना, आता व्हिडीओ देखील येण्यास सुरुवात झाली आहे. सध्या सोशल मीडियावर सिया गोयल हिचे दोन व्हिडीओ व्हायरल होत आहे. व्हिडीओ सोशल मीडियावर व्हायरल झाल्यानंतर सर्वत्र खळबळ उडाली आहे. एका व्हिडीओमध्ये सिया हिच्या हातात, दारूची बाटली दिसत आहे. तर दुसऱ्या व्हिडीओमध्ये सिया बॉयफ्रेंड चेतन चौधरी याच्या मिठीत दिसत आहे. सध्या व्हिडीओ सोशल मीडियावर सर्वत्र व्हायरल झालं. सांगायचं झालं तर, सिया दारु पिते, हे आमच्या पासून लपवलं होतं आणि आमच्या घरात दारु चालत नाही… असं केतन याच्या आईने सांगितलं होतं..
व्हिडीओमध्ये दिसत असल्याप्रमाणे सिया एका पबमध्ये आहे आणि तिच्या एका हातात दारुची बाटली आहे. तर की फोववर कोणाशीतरी बोलताना दिसत आहे. तर दुसऱ्या एका व्हिडीओमध्ये सिया आणि केतन एकत्र बसलेले दिसत आहेत. पण व्हायर होत असलेला व्हिडीओ कधीचा आणि कुठला आहे, याची माहिती समोर आली नाही.
सिया गोयल आणि चेतन चौधरीचा व्हिडीओ व्हायरल pic.twitter.com/CDBhdXXdna
— VIRALबाबा (@viralmedia70) July 1, 2026
सांगायचं झालं तर, केतन हत्याकांड प्रकरणात रोज नवीन अपडेट समोर येत आहेत. नुकताच समोर आलेल्या माहितीनुसार, फक्त सिया आणि केतन यांचं लग्न होणार नव्हतं, तर सियाचा भाऊ साहिल याचं लग्न केतनच्या बहिणीसोबत ठरण्यात आलं होतं. मिळालेल्या माहितीनुसार, केतन आणि सिया यांचं लग्न नोव्हेंबर मध्ये होणार होतं आणि त्यानंतर साहिल आणि केतन यांचं लग्न होणार होतं. हत्येप्रकरणी साहिल याची तब्बल 10 तास चौकशी करण्यात आली. चौकशीत त्याला सिया आणि चेतन यांच्या नात्याबद्दल देखील विचारण्यात आलं होतं. तर एका मुलाखतीत साहिल याने मोठं वक्तव्य केलेलं.
साहिल म्हणालेला, ‘सिया हिने मला शपथ दिलेली की, केतन याच्यासोबत तिचे आता काहीच संबंध नाही. मला पूर्ण विश्वास होता की, ते दोघे आता फक्त मित्र आहे. त्यासाठी मी माझ्या आई – वडिलांना देखील याबद्दल काहीही सांगितलं नाही. केतन याच्यासोबत लग्न ठरलं म्हणून सिया आनंदी होती. व्हिडीओ कॉलवर दोघे बोलत असायचे. एवढंच नाही तर, प्री – वेडिंग फोटोशूटसाठी ती नवीन जागा देखील शोधत होती…’, असं साहिल यांने सांगितलं, पण पोलिसांच्या सूत्रांनी दिलेल्या माहितीनुसार, साहिल याला चेतन आणि सिया यांच्या नात्याबद्दल सर्वकाही माहिती होतं.
