Fact Check: 4,90,00,00,000 रुपये रोख, 27 किलो प्युअर गोल्ड अन् सोन्याची ब्रा आणि पँटी जप्त, खासदारबाईच्या घरी खरंच घबाड सापडलं? | विदेश बातम्या

इराक सरकारने भ्रष्टाचाराविरुद्ध मोठी कारवाई करत खासदार हिंद अल-अब्बासी यांच्या घरावर छापा टाकला असं पसरवण्यात आलं. पण, याची पडताळणी केली असता सोशल मीडियावर पेरलेली ही बातमी खोटी असल्याचं समोर आलं.  ‘गल्फ न्यूज’ सारख्या वृत्तसंस्थेसह अनेक  आंतरराष्ट्रीय प्रसारमाध्यमांच्या वृत्तानुसार, इराकमध्ये भ्रष्टाचाराविरुद्ध मोठ्या प्रमाणावर कारवाई झाली आहे,  या कारवाईमध्ये मोठे अधिकारी, खासदार आणि सरकारी कर्मचाऱ्यांना अटक सुद्धा केली आहे. पण, ज्या खासदाराच्या घरातून रोख रक्कम आणि सोनं सापडलं, त्या हिंद अल-अब्बासी नसून खासदार आलिया नासिफ (Alia Nassif) असल्याचं सांगण्यात आलं आहे.  आलिया नासिफ यांच्या घरातून १५.५ मिलीयन डॉलर्सपेक्षा जास्त रोख रक्कम आणि मोठ्या प्रमाणात सोनं जप्त करण्यात आल्याची माहिती समोर आली आहे.

यामध्ये हिंद अल अब्बासी यांचा काहीही संबंध नसल्याचं समोर आलं आहे. त्यांच्या घरातून  ५७ मिलियन डॉलर्स, २७ किलो सोनं आणि सोन्याची ब्रा-पँटी जप्त केल्याचा कोणतीही माहिती इराक सरकारकडून देण्यात आली नाही. कोणत्याही तपास यंत्रणेनंही याला दुजोरा दिला नाही. फक्त, काही सोशल मीडिया आणि पोर्टलवर ही बातमी देण्यात आली. जरं असं काही सापडलं नाही, कुणी पुष्टी केली नसेल तर अशा दाव्यांना कोणतीही अर्थ नाही.

आता ज्या आलिया नासिफ यांच्या घरावर छापा टााकला आहे, त्या या इराकच्या संसदेच्या कौन्सिल ऑफ रिप्रेझेंटेटिव्हजच्या प्रसिद्ध खासदार आहेत. एक फायरब्रँड नेत्या म्हणून ओळखल्या जातात. भ्रष्टाचाराच्या मुद्यावर त्या नेहमी आक्रमकपणे भूमिका मांडतात. एवढंच नाहीतर त्या  संसदेच्या कायदेशीर समितीच्या सदस्या होत्या. अनेक पदं त्यांनी भुषावली होती.  इराक सरकारवर त्यांनी आक्रमक भूमिकाही घेतली होती. तसंच इराकमधील  बालविवाहाचे किमान वय कमी करण्यासारख्या वादग्रस्त प्रस्तावाला त्यांनी विरोध केला होता.