पत्रिकेत जुळले 27 गुण! तरीही तिने केला होणाऱ्या पतीचा खूनImage Credit source: एजन्सी
Ketan Agarwal Lohgad Murder Case: गोयल आणि अग्रवाल कुटुंब सिया आणि केतन यांचे नाते परफेक्ट मॅच मानत होते. दोघांची लग्न पत्रिका जुळवण्यात आली. दोघांचे 27 गुण जुळले. कुटुंबाच्या ज्योतिषाने हा आदर्श जोडा असल्याचा दावा केला. परंपरेनुसार दोघांचा साखरपुडा झाला. पण काहीच महिन्यात जे घडले त्याने आकाशातील ग्रह तारे सुद्धा लटलटले. सियाने प्रियकर चेतन चौधरी याच्यासोबत केतन याला लोहगड किल्ल्यावरून खोल दरीत ढकलले. खोल दरीत कोसळल्याने त्याचा मृत्यू झाला. या घटनेने देश हादरला. प्रत्येक घरात सिया, केतन, चेतन यावर चर्चा सुरू झाली. देशातील सामाजिक प्रश्न ऐरणीवर आला.
जुळले 27 गुण, तरीही केला खून
सूत्रांनी दिलेल्या माहितीनुसार, जानेवारी 2026 मध्ये केतन अग्रवाल आणि सिया गोयल यांच्या लग्न ठरवण्यासाठी अगोदर लग्न पत्रिका पाहण्यात आली. दोघांच्या जन्म पत्रिकांआधारे ज्योतिषाने विवाह योग आहे की नाही याची ग्रहांच्या साक्षीने लग्न पत्रिका तयार केली. दोघांच्या पत्रिकेआधारे लग्न पुत्रिकेत 36 पैकी 27 गुण उतरले. हा लग्नासाठी शुभ योग मानल्या जातो. ज्योतिष गणनेनुसार, केतन देवगण तर सियाचा मनुष्य गण असल्याचे समोर आले. ज्योतिषाने गुण जुळत असल्याने लग्न यशस्वी होण्याचे संकेत दिले. त्यामुळे दोन्ही कुटुंब आनंदात होते. साखरपुडाही धूमधडाक्यात झाला. त्यानंतर लग्नाची जय्यत तयारी सुरू झाली. नोव्हेंबर 2026 मध्ये हे लग्न होणार होते. सियासोबत सुखी आयुष्याची स्वप्न रंगवणाऱ्या केतनला तिची आपली मारेकरी ठरेल हे स्वप्नातही वाटले नाही.
चेतनवर मन जडलेल्या सियाने केतनला आयुष्यातूनच बाद करण्याचा खतरनाक प्लॅन आखला. दोन तीन प्रयत्न करूनही केतनला मारता आले नाही. पण ती योग्य संधीच्या शोधात होती. तिने त्याच्यासोबत प्रेमाचे नाटक केले. 19 जूनला वाढदिवस असल्याने अगोदरच्या दिवशी तिने केतनला लोहगड किल्ल्यावर ट्रेकिंगच्या बहाण्याने नेले. तिते अगोदरच चेतन चौधरी वाट पाहत थांबलेला होता. गप्पा मारत तिने केतनला एका निर्जनस्थळी नेले. तिथे संधी मिळताच चेतनसह सियाने केतनला धक्का दिला. तो दरीत कोसळल्याची खात्री पटताच आरडाओरड केली. तो मेला की नाही याची खात्री होईपर्यंत ती भेदरलेली होती. त्याचा मृतदेह बाहेर आणल्यावरही तिच्या चेहऱ्यावर दुखाचे सावट नव्हते. पोलिसांना सिया आणि चेतनचे चॅट, दोघांमधील तासन तास बोलणे खटकलं आणि नंतर केतनचा अपघाती मृत्यू नसून घातपात असल्याचे समोर आले. सिया आणि चेतन विरोधातील आरोपासंबंधी पुरावे पोलीस गोळा करत आहेत.
दोघांना 3 जुलैपर्यंत पोलीस कोठडी
केतन अग्रवाल हत्या प्रकरणी तपासाला वेग आला आहे. सिया गोयल आणि तिचा प्रियकर चेतन चौधरी अटकेत आहेत. न्यायालयाने दोघांना 3 जुलैपर्यंत पाच दिवसांची पोलीस कोठडी सुनावली आहे. 28 जून रोजी पोलीस सिया गोयलला लोहगडावर घेऊन गेले होते. तिथे पोलिसांनी गुन्ह्याचं रिक्रिएशन केले होते. तर आज तिचा प्रियकर चेतन चौधरी याला लोहगडावर नेऊन रिक्रिएशन करण्यात आलं. 18 जून रोजी चेतन ज्या वेशभुषेत होता, तसेच आज त्याला लोहगडावर नेण्यात आले. जिथून केतनला धक्का देण्यात आला. तिथून चेतनने पुतळ्याला धक्का दिला. केतनच्या हत्येच्या दिवशी त्याला कशा पद्धतीने ढकलण्यात आले याची माहिती पोलीस घेत आहेत.
