लातूर : वैद्यकीय अभ्यासक्रमांच्या प्रवेशासाठी आवश्यक असलेल्या नीट यूजी परीक्षेचा पेपर फुटल्यानं देशभरात खळबळ उडाली आहे. सीबीआयनं या प्रकरणात आतापर्यंत 11 आरोपींना अटक केलेली आहे. यापैकी बहुतांश आरोपी महाराष्ट्रातील आहेत. सीबीआयनं आज नीट परीक्षेतील भौतिकशास्त्राचे प्रश्न लीक केल्याप्रकरणी पुण्यातील मनीषा हवालदार या महिलेला अटक करण्यात आली आहे. हेच टायमिंग साधथ नीट पेपर फुटी प्रकरणानंतर चर्चेत आलेल्या लातूरच्या तथाकथित ‘ट्युशन एरिया’वर आता प्रशासनाने मोठी कारवाई सुरू केली आहे. लातूर जिल्हा उद्योग केंद्राने लातूर इंडस्ट्रियल इस्टेट को-ऑपरेटिव्ह सोसायटीमधील उत्पादनासाठी मंजूर गाळ्यांमध्ये सुरू असलेले सर्व व्यावसायिक उपक्रम तात्काळ बंद करण्याचे आदेश दिले आहेत.
लातूर उद्योग धवन परिसरात साफ सफाई
लातूर जिल्हाधिकाऱ्यांच्या अध्यक्षतेखाली झालेल्या बैठकीनंतर हा निर्णय घेण्यात आला. जिल्हा उद्योग भवन परिसरातील अनेक गाळ्यांमध्ये खाजगी कोचिंग क्लासेस, हॉस्टेल्स, खानावळी, हॉटेल, अभ्यासिका, बुक सेंटर आणि इतर व्यवसाय सुरू असल्याच्या तक्रारी प्रशासनाकडे प्राप्त झाल्या होत्या.
मुळात हा परिसर उद्योग आणि उत्पादन व्यवसायासाठी उद्योजकांना लीजवर देण्यात आला होता. मात्र 2000 नंतर येथील अनेक उद्योग बंद पडले आणि जागा मोठ्या प्रमाणात खाजगी ट्युशन व्यवसायासाठी भाड्याने दिली गेली. त्यामुळे “ज्या उद्देशासाठी जागा देण्यात आली, तो उद्देशच हरवला” अशी भूमिका घेत माहिती अधिकार कार्यकर्ते मल्लिकार्जुन भाईकट्टी गेल्या दहा वर्षांपासून प्रशासनाकडे पाठपुरावा करत होते. मात्र राजकीय हस्तक्षेपामुळे निर्णय प्रलंबित असल्याचे बोलले जात होते.
नीट पेपर फुटी प्रकरण समोर आल्यानंतर प्रशासन सक्रिय झाले असून, लातूर औद्योगिक वसाहत सहकारी संस्थेला पत्र पाठवून संबंधित सर्व खाजगी व्यवसाय तात्काळ बंद करण्याचे स्पष्ट निर्देश देण्यात आले आहेत. आदेशाचे पालन न केल्यास कायदेशीर कारवाईचा इशाराही प्रशासनाने दिला आहे.
NEET पेपर फुटी प्रकरणात CBI ने आतापर्यंत 11 लोकांना केली आहे अटक
महाराष्ट्रातून अटक :
मनिषा हवालदार – CBI
शिवराज मोटेगावकर – CBI कोठडी
प्रल्हाद कुलकर्णी – CBI कोठडी
मनिषा मांढरे – CBI कोठडी
मनिषा वाघमारे – CBI कोठडी
शुभम खैरनार – CBI कोठडी
धनंजय लोखंडे – न्यायालयीन कोठडी
दुसऱ्या राज्यातून झालेली अटक :
दिनेश बिवाल – न्यायालयीन कोठडी
मांगीलाल बिवाल – न्यायालयीन कोठडी
विकास बिवाल – न्यायालयीन कोठडी
यश यादव – न्यायालयीन कोठडी
दरम्यान, नीट यूजी परीक्षा आता 21 जून रोजी घेण्यात येणार आहे. 3 मे रोजी घेण्यात आलेली नीट यूजी परीक्षा रद्द करण्यात आली आहे.
आणखी वाचा
