सध्या शिवसेना ठाकरे गटाचे माजी खासदार विनायक राऊत यांचा मुलगा गितेश राऊत यांच्या पत्नीने गंभीर आरोप केले. गिरिजा ओकने पतीवर केलेल्या आरोपांवर विनायक राऊत यांनी प्रतिक्रिया दिली. त्यांनी सर्व आरोप फेटाळून लावले. आता गिरिजा राऊतांनी पत्रकार परिषद घेत प्रतिक्रिया दिली आहे. त्यांनी पतीसोबतचा शारीरिक संबंधाविषयी बोलताना 2017 ते 2018 शारीरिक संबंधच नव्हते असे स्पष्ट सांगितले आहे.
शारीरिक संंबंधाविषयी काय म्हणाल्या?
गिरिजा राऊत पत्रकार परिषदेत बोलताना म्हणाल्या की, प्रत्येक गोष्टीत त्यांनी सुरुवातीपासून खोटं बोलून पूर्ण प्लानिंगने घात केला आहे. लग्नाच्या आधीच्या गोष्टी आणि नंतरच्या गोष्टी वेगळ्या होत्या. भावनिक आणि शारिरीक छळ केला. माझा आणि माझ्या कुटुंबीयांचा घात केला. सर्वात आधी राजकीय पार्श्वभूमी असल्याने मला गितेश सोबत चांगला संसार करत होतो. त्यामुळे तक्रार केली नाही. आज ना उद्या परिस्थिती बदलेल अशी आशा होती. म्हणून सहन केले. फ्लॅट आणि पैसे या गोष्टी खोट्या आहेत. खोटे आरोप आहेत. माझ्यावरील आरोप लपवण्यासाठी ते खोटं स्टेटमेंट देत आहेत.
शारीरिक संबंधाविषयी बोलताना गिरिजा म्हणाल्या, २०१७मध्ये लग्न झालं. २०१८पर्यंत संबंध आले नव्हते. दोन्ही कुटुंबाने बसून बोलणी केली. गणपतीवरून आल्यावर त्यावर बोलणार होते. गणपतीवरून आल्यावर एक घाबरवणारी घटना घडली. त्याला अघोरी रूप दिलं. त्यांनी ते सुरूच ठेवलं. अघोरी कृत्य केलं. हायपोथायराईड असूनही आऔषधे दिली. मला मानसिक त्रास दिला.
अघोरी कृत्याविषयी नेमकं काय म्हणाल्या?
अघोरी कृत्याविषयी बोलताना गिरिजा म्हणाली, अघोरी कृत्य जसं की वेगवेगळ्या बाबांकडे घेऊन जायचे. जिवंत कोंबडा अंगावरून उतरवत होता. मासाचे तुकडे अंगावरून उतवरत होते. तांब्याची तार उतरवत होते. कोण कणकेच्या बाहुल्या, माझ्या अंगावरील न धुतलेले वापरलेले कपडे, डोक्याचे केस घेऊन उतारे करत होते. हळद खायला द्यायचे. अगरबत्तीची उदी तीर्थ पेलाभरून द्यायचे. गोमूत्र द्यायचे. मुलाचं शारिरीक संबंध ठेवण्यासाठी असक्षम आहे हे लपवण्यासाठी त्यांनी प्लानिंग करून माझं आयुष्य बरबाद केलं आहे.
