90 च्या दशकातील दिग्गज अभिनेता गोविंदा याची पत्नी सुनीता अहुजा हिची लोकप्रियता आता गगनाला भिडली आहे. सोशल मीडियावर देखील सुनीता हिचे अनेक व्हिडीओ आणि फोटो व्हायरल होत असतात. सुनीता हिच्याबद्दल सांगायचं झालं तर, एकामागे एक ती अनेक शोमध्ये स्वतःची उपस्थिती नोंदवत आहे… नुकताच सुनीता अभिनेत्री शिल्पा शेट्टी हिच्या ‘मां है ना’ शोमध्ये पोहोचली. जेथे तिने पुन्हा पती गोविंदा याच्यावर थट्टा केली. एवढंच नाही तर, गोविंदा याच्याबद्दल मोठं रहस्य देखील उघड केलं. शोमध्ये सुनीता पुन्हा गोविंदा याच्या नकली केसांबद्दल बोलताना दिसली.
सांगायचं झालं तर, सुनीता दिवसागणिक पुढे जात आहे. पण करियरमध्ये पुढे जाण्यासाठी गोविंदा याच्या नावाचा वापर करत आहे… असं देखील अनेकांचं म्हणण आहे. नुकताय झालेल्या एका मुलाखतीत, सुनीता हिने गोविंदा याच्या केसांवर मोठं वक्तव्य केलं. सुनीता म्हणाली, जेव्हा ती गोविंदाला पहिल्यांदा भेटली, तेव्हा गोविंदा दिसायला हँडसम होता. पुढे विनोदी अंदाजात सुनीता पुढे म्हणाली, ‘गोविंदा आज देखील हँडसम आहे. फक्त तो आता हेयर पॅच लावयला लागला आहे…’
‘हेयर पॅचबद्दल बोलताना लोकांच्या मनात कोणती शंका नाही राहिली पाहिजे. कारण इंडस्ट्रीमध्ये अनेक जण हेयर पॅचचा वापर करतात आणि ही एक सामान्य गोष्ट आहे. फक्त हिरोच नाही तर, अभिनेत्री देखील हेअर पॅचचा वापर करतात…’ असं देखील गोविंदा याची पत्नी म्हणाली.
सांगायचं झालं तर, यापूर्वी देखील सुनीता, गोविंदा याला बकरी (Goat) म्हणालेली. ज्यामुळे तिला प्रचंड ट्रोल देखील करण्यात आलं होतं. त्यानंतर सुनीता म्हणाली, सिंह म्हणायचं होतं, चुकून बकरी निघालं. पण Goat चा अर्थ मला आज कळला आहे. Goat चा खरा अर्थ Greatest of All Time असा होतो. जर तेव्हा मला याचा अर्थ माहिती असता तर, मी Goat च म्हणाली असती. पुढे गोविंदा याचं कौतुक करत सुनीता म्हणाली, ‘माझे पती सिंगल पीस आहे… त्यांच्यासारखं इंडस्ट्रीमध्ये दुसरं कोणीच नाही.’ असं देखील सुनीता म्हणाली.
