Arbaaz Khan Security Breach: बॉलिवूड अभिनेता आणि निर्माता अरबाज खान याच्याबद्दल मोठी अपडेट समोर येत आहे. अभिनेत्याच्या सुरक्षेत मोठी गडबड झाली आहे. अरबाज याच्या सुरक्षेत झालेल्या बेजबाबदारीमुळे इंटरनेटवर संतापाचं वातावरण दिसत आहे. सांगायचं झालं तर, अरबाज एका इव्हेंटसाठी पोहोचलेला. इव्हेंट संपातच त्याच्या कारमध्ये एक विक्षिप्त चाहता बळजबरी बसला. त्यानंतर त्याला अभिनेत्याच्या बॉडीगार्डने बाहेर काढला आणि त्याला मारहाण देखील केली. सध्या या घटनेचा व्हिडीओ सोशल मीडियावर सर्वत्र व्हायरल होत आहे… तर जाणून घ्या संपूर्ण प्रकरण नेमकं काय आहे.
अरबाज खान याच्या कारमध्ये घुसला फॅन…
मिळालेल्या माहितीनुसार, नुकताच अरबाज कोलकाता येते एका कार्यक्रमासाठी पोहोचलेला. कार्यक्रम संपल्यानंतर अरबाज त्याच्या कारच्या दिशेने निघाला. पण अभिनेत्याची एक झलक पाहण्यासाठी आलेल्या चाहत्यांच्या गर्दीत एक, चाहते थेट त्याच्या कारमध्ये जाऊन बसला…
Some unknown man forcefully sat inside Arbaaz Khan’s car in Kolkata
This is so Scary, Severe Security breach. pic.twitter.com/3tCIv4PyUb
— ABHAY (@CinephileKS) June 15, 2026
चाहता कसा अरबाज याच्या कारमध्ये जाऊन बसला, याबद्दल अरबाज आणि त्याच्या बॉडीगार्ड्स यांना देखील कळलं नाही. चाहता थेट अभिनेत्याच्या कार जवळ पोहोचला आणि दरवाजा खोलून कारमध्ये बसला… या नंतर परिसरातील वातावरण बदललं आणि सर्वत्र खळबळ उडाली.
त्या व्यक्तीच्या अशा कृत्यानंतर अरबाज खानचे बाउन्सर आणि बॉडीगार्ड्स त्वरित सक्रिय झाले. त्यांनी त्या माणसाला गाडीतून बाहेर ओढून काढलं. तरीही तो शांत झाला नाही आणि बॉडीगार्ड्सशी झटापट करू लागला; परिणामी, परिस्थिती नियंत्रणात आणण्यासाठी अभिनेत्याच्या बाउन्सरनी त्याला मारहाण केली. व्हायरल होत असलेल्या व्हिडिओमध्ये, घटनास्थळी उपस्थित काही लोक “त्याला मारा!” असे ओरडतानाही ऐकू येतात.
कशी होती अरबाज खान याची प्रतिक्रिया…
संपूर्ण घटने दरम्यान, अरबाज खान घाबरल्याचं दिसून आलं. तर काही मिनिटांत सिक्योरिटीने जमलेल्या गर्दीला बाजूला केलं. त्यानंतर अरबाज खान त्याच्या गाडीपर्यंत पोहोचला. सध्या व्हायरल होत असलेल्या व्हिडीओवर नेटकरी कमेंट करत प्रतिक्रिया देत आहेत.
