Fan Propose Shahrukh Khan Viral Video: बॉलीवूडचा ‘किंग खान’ अशी ओळख असणाऱ्या शाहरुख खानचा (Shahrukh Khan) चाहता वर्ग काही प्रेक्षकांना नवीन नाही.शाहरुखला एकदा पाहण्यासाठी फॅन्स अक्षरशः तासनतास त्याच्या घराबाहेर थांबलेली दिसतात. त्याची एखादी झलक पाहायला मिळावी यासाठी धडपडतात. गुरुवारी मंगळूरमधील एका कार्यक्रमात एका महिला चाहतीनं सगळ्यांसमोर ‘मी माझ्या पतीपेक्षा जास्त तुमच्यावर प्रेम करते’ म्हणत भर कार्यक्रमात आपल्या प्रेमाची कबुली दिली. त्यावेळी या महिलेला शाहरूखने दिलेल्या मजेशीर उत्तराची सध्या एकच चर्चा आहे. या कार्यक्रमातील एक व्हिडिओ सध्या सोशल मीडियावर प्रचंड व्हायरल होतोय.
शाहरूखच्या फॅनची प्रेमाची कबुली
मंगळूर मधील एका कार्यक्रमात उपस्थित असलेल्या शाहरुख खानला त्याचा एका महिला चाहतीने सगळ्यांसमोर ओरडून प्रेमाची कबुली दिली. ‘मी तुझ्यावर माझ्या नवऱ्यापेक्षा जास्त प्रेम करते ‘ असं ते म्हणाली. त्यावेळी तिच्या आजूबाजूला असणारे सगळेच उपस्थित चाहत्यांमध्ये प्रचंड उत्साहाचं वातावरण होतं. या फॅनचं प्रेम पाहताच शाहरूख स्मितहास्य करत त्याच्या खास शैलीत म्हणाला ‘हे सगळं तुम्ही मला एकटाच सांगायला हवं होतं ‘ शाहरुखच्या या विनोदी उत्तरावर सगळेच हसले .तो पुढे म्हणाला ‘ मला माहित आहे की तुम्ही भावनेच्या भरात म्हणताय. मी तुमच्या भावना समजू शकतो.आणि मला खात्री आहे तुमचा नवऱ्याला ही ते समजते आहे.मी तुम्हा सर्वांवर प्रेम करतो.तुमच्या नवऱ्यावरही प्रेम करतो.तुम्हा सगळ्यांचे कुटुंबावर प्रेम करतो.खूप खूप धन्यवाद ‘ असा शाहरुख म्हणाला. नंतर या चाहतीने शाहरुखला प्रश्नही विचारला. तिचा प्रश्न आहे असं कळल्यानंतर शाहरुख ही म्हणतो ‘आता प्रेमाची कबुली देऊन झाली आता प्रश्नही घेऊया.’
A female fan to SRK ‘love you Shahrukh more than my husband’ and the reply she got by SRK ♥️ pic.twitter.com/dJ8i34oUQG
— Aman 🇵🇱 (@DonajCR7) June 25, 2026
ती म्हणते, एखादा छोट्या शहरातील आमच्यासारखे लोकही तुझ्यासारखी उंची गाठू शकतात का? असं तिने विचारलं त्यावेळी शाहरुखने मी ही एका अशाच वातावरणातून पुढे आलोय. तुमच्यासारख्या चाहत्यांमुळे,प्रेक्षकांमुळे, आणि माझ्या कामामुळे मी पुढे आलो. सगळ्या तरुणांना मी एवढाच सांगेन की तुमच्या स्वप्नांवर कधीच हार मानू नका. ‘ मंगळूर मधील या कार्यक्रमातील व्हिडिओ सध्या सोशल मीडियावर चांगलाच व्हायरल होतोय.
बॉलीवूड अभिनेता शाहरुख खान एका खास कार्यक्रमासाठी मंगळूरमध्ये आला होता. खरंतर, नवी दिल्लीत जन्मलेल्या शाहरुखने त्याच्या आयुष्यातील पहिली पाच वर्ष मंगळूरमध्ये घालवली होती. त्याचे अजोबा इफ्तेखार अहमद यांच्याबरोबर तो राहायचा. त्यामुळे या शहराशी त्याचं खास नातं आहे. शिवाय शाहरुख सध्या सिद्धार्थ आनंदच्या किंग चित्रपटात दिसणार आहे.जानेवारी महिन्यात अभिनेत्याने चित्रपटाच्या प्रदर्शनाची तारीख ही जाहीर केली होती.हा चित्रपट 24 डिसेंबर रोजी चित्रपटगृहांमध्ये गर्जना करण्यासाठी सज्ज होणार आहे.
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
