27 जूनच्या सकाळी सोन्याचे दर किती ?
सोनं-चांदीच्या दरांवर लक्ष ठेऊन असणाऱ्या ग्राहकांसाठी शनिवारची सकाळ फारशी चांगली बातमी घेऊन आलेली नाही. देशात सोन्यातील दरातील घसरण आता थांबली आहे. २७ जूनच्या सकाळी बहुतांश शहरांमध्ये किमती वाढल्या. राजधानी दिल्लीत २४-कॅरेट सोन्याचा भाव प्रति १० ग्रॅम १,४२,९६० रुपयांपर्यंत वाढला. मुंबईत हा भाव प्रति १० ग्रॅम १,४२,७६० रुपये इतका आहे. आंतरराष्ट्रीय बाजारपेठेत किंमतीने पुन्हा एकदा ४,००० डॉलर्सचा टप्पा ओलांडला असून, ‘स्पॉट गोल्ड’चा भाव आता प्रति औंस ४,०७७.६४ डॉलर्सवर पोहोचला आहे.
अमेरिकेतील महागाईची आकडेवारी जाहीर झाल्यानंतर डॉलर कमकुवत झाला. त्याच वेळी, अमेरिकेतील व्याजदर वाढीबाबतच्या अपेक्षांमध्येही काहीशी नरमाई आली. मे महिन्यात संपलेल्या १२ महिन्यांच्या कालावधीत अमेरिकेचा ‘पर्सनल कन्झम्पशन एक्स्पेंडिचर्स’ (PCE) किंमत निर्देशांक ४.१ टक्क्यांनी वाढला.
देशातील प्रमुख शहरातील सोन्याचे भाव किती ?
राजधानी दिल्लीत २४-कॅरेट सोन्याचा दर प्रति १० ग्रॅम १,४२,९६० रुपये आहे. २२-कॅरेट सोन्यासाठी प्रति १० ग्रॅम १,३१,०६० रुपये मोजावे लागणार आहेत. तर मुंबई आणि कोलकातामध्ये २२-कॅरेट सोनं हे १,३०,८६० रुपयांना आणि २४-कॅरेट सोन्याचा दर प्रति १० ग्रॅम १,४२,७६० रुपये दराने मिळत आहे.
चेन्नईमध्ये सोन्याचे दर सर्वाधिक आहेत. तिथे २४-कॅरेट सोन्याचा दर प्रति १० ग्रॅम १,४५,१०० रुपये आहे. तर २२-कॅरेट सोन्याची किंमत प्रति १० ग्रॅम १,३३,०१० रुपयांवर पोहोचली आहे. आणि पुणे आणि बेंगळुरू या दोन्ही शहरांमध्ये २४-कॅरेट सोन्याचा दर प्रति १० ग्रॅम १,४२,७६० रुपये असून आणि २२-कॅरेट सोन्याची किंमत १,३०,८६० रुपये प्रति १० ग्रॅम इतकी आहे.
चांदीचाही ग्राहकांना झटका
सोन्याची किंमत वाढलेली असताना चांदीचे दर तरी खाली घसरतात का याकडे ग्राहकांचं लक्ष होतं, मात्र तिथेही त्यांची निराशा झाली. कारण सोन्याप्रमाणेच चांदीचे दरही वाढले आहेत. २७ जूनच्या सकाळी चांदीचा दर प्रति किलो २,४०,१०० रुपयांवर पोहोचला. आंतरराष्ट्रीय बाजारात ‘स्पॉट सिल्व्हर’चा दर प्रति औंस ५९.१२ डॉलर्स इतका आहे.
