शिवसेना पक्षप्रमुख उद्धव ठाकरे आजपासून गद्दार खासदारांच्या मतदारसंघांच्या दौऱ्यावर आहेत. शिवसेना ठाकरेतून फुटून शिंदे गटात गेलेल्या खासदारांच्या मतदारसंघात ते फिरणार आहेत, तेथील कार्यकर्ते, पदाधिकारी, नागरिकांशी संवाद साधणार आहेत अशी माहिती शिवसेना ठाकरे गटाचे खासदार संजय राऊत यांनी दिली. मात्र आता ठाकरेंना आणखी मोठा धक्का बसणार असल्याची चर्चा असून ठाकरेंच्या काही आमदारांनी शिंदे यांची भेट घेतल्याची माहिती समोर आली होती. ते आमदार फोडणार असल्याच्या चर्चेवर राऊतांनी चोख उत्तर दिलं. कदाचित त्यांना आता पुढे काहीच काम राहणार नाही, सगळेच फोडणार आहेत ते. एक दिवस ते (शिंदे) देवेंद्र फडणवीस यांनाही फोडतील, असा टोला राऊत यांनी हाणला. माध्यमांशी संवाद साधताना राऊत विविध विषयांवर बोलले.
ते कोणालाही फोडू शकतात. देवेंद्रजींना फोडतील, मग उद्या सांगतील आता मी चंद्रशेख बावनकुळे यांना फोडणार आहे, मला बावनकुळे आत्ताच भेटून गेले आहेत, असं ते करूच शकतात. एकदा माणसाला नशा चढली, भांग,गांजा, फोडाफोडीची की मग ते काहीही बोली शकतात. देवेद्रजींनी फोडलं. मग शेवटी ते सांगतील, आता मी अमित शहांनाही फोडलंय. अमित शहांना देवेंद्र फडणवीस यांच्याविरोधामध्ये फोडण्याच्या त्यांचा प्रयत्न चालू आहे, हे सगळ्यांना माहीत आहे, त्यामुळे ‘ऑपरेशन टायगर’पासून सगळ्यात जास्त देवेंद्र फडणवीस यांनीच सावध राहिलं पाहिजे, असं संजय राऊत म्हणाले.
आमचं ऑपरेशन टायगर वगैरे काही नाही, आम्ही टायगर आहोतच. आम्ही टायगर, मग ते कोण होते स्वत: ? हे पहावं लागेल, असा टोलाही राऊतांनी हाणला.
माझ्यामुळे तुमचा खिसा फाटतोय – राऊतांचा शिंदेंना टोला
काही दिवसांपूर्वी एकनाथ शिंदे असं म्हणाले होते की संजय राऊत आमच्या विरोधा जेवढं बोलतात, तेवढा आमचा पक्षा वाढत जातोय. त्यावर राऊतांनी शिंदेंना खणखणीत टोला लगावला. ‘ वाढू द्या ना पक्ष, तुमचा पक्ष कसा वाढतो, तुमचा पक्ष वाढण्यासाठी परवा 6 खासदारांना 50-50 कोटी रुपये दिले. किती खर्च आहे तुम्हाला माझ्यामुळे, मी बोलल्यामुळे तुमचा खर्च किती वाढतोय ! 50 कोटी दिले, परत 25-25 कोटी रुपये द्यायचेत. त्याच्याआधी माझ्यामपळे हजार- दोन हजार कोटी दिले.. माझ्यामुळे तुमचा खिसा फाटतोय, ‘ अशी खोचक टीका राऊत यांनी केली.
