Sandeep Pathak Share Fan Selfie Incident ; हॉटेलात जेवताना चाहत्यांने आणले नाकीनऊ, सेल्फीसाठी हट्ट; Sandeep Pathak ने सांगितला धमाल किस्सा

Sandeep Pathak Fan Moment : अभिनेता संदीप पाठकने नुकतीच महाराष्ट्र टाइम्स ऑनलाइनला मुलाखत दिली. त्यात त्याने चाहत्यांसोबतचे काही किस्से शेअर केले.

मराठी सिने इंडस्ट्रीमध्ये काम करायचं असेल तर आपला लुक किंवा दिसणं हे उत्तमच असलं पाहिजे हा समज खोडून काढणारे अनेक कलाकार आहेत. या कलाकारांनी आपल्या अभिनयाने प्रेक्षकांच्या मनावर अधिराज्य केले आहे. असाच एक अभिनेता म्हणजे संदीप पाठक . संदीपला त्याच्या दातांवरून अनेकदा पूर्वी ट्रोल केले गेले होते पण नंतर त्याने आपल्या दातांवरच स्वतःहून विनोद करून लोकांना खळखळून हसवले. कधी विनोदी तर कधी गंभीर तर कधी गुढ अशा वेगवेगळ्या भूमिका साकारून संदीप पाठक यांनी आतापर्यंत अनेक सुपरहिट सिनेमांमध्ये काम केले आहे. नुकतीच त्याने त्याच्या आगामी घबाड कुंड या सिनेमानिमित्त महाराष्ट्र टाइम्स ऑनलाइनच्या सेलिब्रिटी कॉर्नरला भेट दिली. या शोमध्ये त्याने त्याच्यासोबत घडलेले अनेक किस्से शेअर केले.

Tharala Tar Mag : सचिनने मारली अशी थाप की आईवडील सहखुशीने वृद्धाश्रमात राहायला तयार, कोर्टातही अस्मितावर शेकले नको ते आरोप, अर्जुनला केस हरवण्याचं ओपन चॅलेंज
सध्याचा काळ हा प्रसिद्धीचा आहे. जो दिखता है वो दिखता है असे सध्या चालू असल्यामुळे कलाकारांना प्रसिद्धीसाठीही बऱ्याच गोष्टी कराव्या लागतात. तर काहींना आपल्या कामांमधूनच ती प्रसिद्धी आपोआप मिळते. पण या प्रसिद्धीचीही दोन टोके आहेत. संदीप पाठक यांनी याबाबत सांगितले की, जेव्हा तुम्ही मनोरंजन सृष्टी मध्ये नाटकात, सिनेमात, मालिकांमध्ये, सोशल मीडियावर दिसता तेव्हा तुम्ही महाराष्ट्रात किंवा महाराष्ट्र बाहेर जे ते मराठी माणसं आहेत तिथे गेला तर तुम्हाला ट्रीटमेंट अगदी छान मोठी मिळते रेड कार्पेट सारखी.

विमानातून प्रवास करत असतानाही एअर होस्टेस तुम्हाला ओळखतात आणि सर तुम्हाला हे घ्या वगैरे काहीतरी आणून देतात. हे पाहून त्या विमानातले फॉरेनर किंवा इतर मराठी लोक असतात त्यांना प्रश्न पडतो की हा कोण आहे याला एवढी व्हीआयपी ट्रीटमेंट का मिळते. किंवा कधी कुठे हॉटेलमध्ये गेलो तरी ही लोक बिल घेत नाहीत. तुमचे पाय आमच्या हॉटेलला लागले एवढेच खूप आहे असं म्हणतात. बरेच लोक गिफ्ट्स वगैरे आणून देतात, आमचे चित्र काढतात… हा एक प्रसिद्धीचा फायदा आहे.

Jankee Parekh Breast Milk Donate : अभिनेता नकुल मेहताच्या पत्नीने दान केली ब्रेस्ट मिल्कची 90 पाकिटं, नवजात शिशु अतिदक्षता विभागतल्या मुलांना लेकीसाठीचं दूध देताना भावुक
संदिप पाठकने पुढे सांगितले की प्रसिद्धीचा तोटा हा एक टक्का आहे. आता मोबाईल मध्ये कॅमेरा आल्यामुळे तुम्ही कुठेही गेलात तरी तुमचा फोटो काढला जातो. पण आपण सगळ्यांनी त्याचा कुठेतरी भान ठेवायला पाहिजे. एका प्रसिद्ध अभिनेत्रीचं निधन झालं, त्यांचा पार्थिव दर्शनासाठी ठेवलेलं तेव्हा आम्ही तिथे गेलेलो. तिथे एक माणूस आला त्याने त्या डेड बॉडी सोबत शेवटची आठवण म्हणून सेल्फी काढला. ते पाहून मला वाटलं की कुठे चाललोय आपण! माणूस गेला की लोकांना फोटो काढायचा आहे. एक वेळ समजू शकतो की कलाकार आहे दुःखात आहे पण ते सगळे अंत्यसंस्कार झाल्यानंतर फोटो काढला… खरंतर तेही नकोच पण जो माणूस गेला त्याच्यासोबत तुम्हाला फोटो काढायचाय तर हे खूप अति आहे.

एकदा तर मी हॉटेलात जेवत असताना एका चाहत्याने मला ओळखलं, तो माझ्याकडे आला नी म्हणाला सर सेल्फी… मी म्हटलं देतो आणि जेवू लागलो कारण माझ्या हातात घास होता. पण तो परत बोलला जरा लवकर द्या ना सेल्फी मला बाहेर जायचंय. म्हणजे लोक हा सुद्धा विचार करत नाही की बाबा समोरचा माणूस जेवतोय आपणण 5/10 मिनिटं थांबायला हवं. त्यामुळे कुठेतरी हे प्रसिद्धीचे तोटे वाटतात.