एका ‘डेटिंग ॲप‘वर प्रोफाइल असलेल्या बोरिवली येथील तरुणाला याच ‘ॲप’च्या माध्यमातून एका ‘तरुणीने’ बोरिवली पश्चिमेकडील ‘टाईम्स स्क्वेअर’ हॉटेलमध्ये भेटायला बोलावले होते. हॉटेलमध्ये ड्रिंकचा बहाणा करून संवाद साधून हजारो रुपयांचे बिल त्याच्याकडून वसूल करण्यात आले. याबाबत तरुणाने तक्रार केल्यानंतर गुन्हा दाखल करून एम. एच. बी. कॉलनी पोलिसांनी तपास सुरू केला. तांत्रिक विश्लेषणाद्वारे यातील आरोपी नवी मुंबईतील एका हॉटेलमध्ये वास्तव्यास असल्याचे समजले.
ऑनलाईन डेटिंग अॅप वापरणाऱ्यांनो सावधान! पनवेलच्या ज्येष्ठ नागरिकाची 74 लाखांची फसवणूक, प्रकरण काय?
उपायुक्त आनंद भोईटे, वरिष्ठ निरीक्षक गणेश पवार यांच्या मार्गदर्शनाखाली पोलिसांनी नवी मुंबईतील हॉटेलवर पाळत ठेवली. पहाटेच्या वेळी पोलिसांनी छापा टाकून १५ पुरुष व सहा महिलांना ताब्यात घेतले. अटकेवेळी २७ मोबाइल, एक पोर्टेबल प्रिंटर, फोनपे स्वाइप मशीन असा तीन लाख ७४ हजार रुपयांचा मुद्देमाल हस्तगत करण्यात आला. या प्रकरणात ‘टाइम्स स्क्वेअर’ हॉटेलचा मॅनेजर शैलेश उर्फ शैलेश अण्णा यालाही अटक करण्यात आली आहे.
अटक करण्यात आलेले आरोपी दिल्ली आणि उत्तरप्रदेश येथील आहेत. टोळीचे प्रमुख मोहसिन व फरहान हे उत्तर प्रदेशातील असून, त्यांनी दिल्ली व गाझियाबादमधून तरुण-तरुणींना जमवून टोळी जमवली होती. त्यांच्या नावावर वेगवेगळ्या डेटिंग ॲपवर फेक प्रोफाइल वापरून तरुण-तरुणींना लक्ष्य केले जात होते. त्यानंतर बाउन्सर, मॅनेजर आणि इतर टोळी सदस्यांच्या मदतीने अवाजवी बिल वसूल केले जाई.
Pune crime news | कोंढवा परिसरात धक्कादायक घटना; डिलिव्हरी बॉयकडून दिवसाढवळ्या तरुणीवर अत्याचार
आरोपींनी टिंडर, बम्बल, आयल, मिंगल २ यांसारख्या अनेक ‘डेटिंग ॲप’वर बनावट महिला प्रोफाइल तयार केले आहेत. या ‘ॲप‘च्या माध्यमातून समोरच्या व्यक्तीशी मधाळ बोलून, त्याला मोहात पाडून भेटण्यासाठी भाग पाडून त्यांची फसवणूक केली जाते.
