Kirit Somaiya questions Thane Police: विद्यार्थ्यांची फसवणूक केल्याच्या आरोपावरून नौपाड्यातील एका संस्थेविरोधात आंदोलन करणाऱ्या विद्यार्थी, पालक आणि भाजप कार्यकर्त्यांवर गुन्हा दाखल करण्यात आला. या प्रकरणी किरीट सोमय्या यांनी नौपाडा पोलिस ठाण्यात जाऊन पोलिसांना जाब विचारला. पोलिसांनी या प्रकरणाची चौकशी करून योग्य कारवाई करण्याचे आश्वासन दिले आहे.
चुना, तेल, केमिकल्स अन्… दुधात भेसळ कशी होते? गोपीचंद पडळकरांनी प्रात्यक्षिकच दाखवलं
ठाणे रेल्वे स्थानक परिसरात असलेल्या या संस्थेने विद्यार्थ्यांची फसवणूक केल्याचा आरोप करत संजय वाघुले तसेच भाजपचे कार्यकर्ते, विद्यार्थी आणि पालकांनी गेल्या महिन्यात आंदोलन केले होते. एका विद्यार्थीनीच्या तक्रारीनंतर संस्थेच्या मालकासह अन्य दोघांविरुद्ध नौपाडा पोलिस ठाण्यात गुन्हा दाखल झाला होता. या प्रकरणात संस्थाचालकाने ३६ जणांविरोधात तक्रार दाखल केली होती. या तक्रारीवरून नौपाडा पोलिसांनी वाघुले यांच्यासह विद्यार्थी-विद्यार्थीनी, पालक आणि इतरांविरुद्ध गुन्हा दाखल केला होता. या प्रकरणाची दखल घेत सोमय्या यांनी गुरुवारी सायंकाळी सहा वाजता नौपाडा पोलिस ठाण्याला भेट देत या प्रकरणी पोलिसांना जाब विचारला.
Jagdish Gupta : भाजपकडून निलंबन, मुंबईत माजी मंत्र्याचा शिवसेना प्रवेश, महापालिकेच्या तोंडावर मोठा उलटफेर
अवघ्या १७ ते १८ वर्षांच्या विद्यार्थ्यांविरुद्ध थेट गंभीर कलमांचा गुन्हा दाखल करण्याच्या निर्णयावर सोमय्या यांनी संताप व्यक्त केल्याचे वाघुले यांनी सांगितले. पोलिस उपायुक्त यांच्याकडे हा गुन्हा रद्द करण्याची मागणी केली. नौपाडा पोलिस ठाण्यातील वरिष्ठ पोलिस निरीक्षकांच्या भूमिकेवरही त्यांनी प्रश्न उपस्थित केला.अखेर या प्रकरणाचा गुन्हा नौपाडा पोलिस ठाण्यातून इतर पोलिस ठाण्यात वर्ग करण्याचे आश्वासन पोलिस उपायुक्तांनी दिल्याची माहिती वाघुले यांनी दिली.
चुना, तेल, केमिकल्स अन्… दुधात भेसळ कशी होते? गोपीचंद पडळकरांनी प्रात्यक्षिकच दाखवलं
त्याचबरोबर विद्यार्थी आणि विद्यार्थिनींच्या उपायुक्त स्तरावर तक्रारी ऐकून जबाब नोंदविला जाईल. त्यानंतर महिनाभरात योग्य अहवाल करून कारवाई करण्याचे आश्वासन उपायुक्तांनी दिल्याचे वाघुले यांनी सांगितले. या प्रकरणी गुन्हा रद्द करण्याच्या मागणीबाबत कायदेशीर बाबी तपासून योग्य निर्णय घेण्याचे आश्वासन देण्यात आले. ‘खऱ्या आरोपींविरूद्ध गुन्हा दाखल करा, पिडीतांवर नाही. गंभीर कलमं लावलेल्या पोलिस अधिकाऱ्यांविरूद्धही कठोर पाऊलं उचलावी’, अशी मागणी सोमय्यांनी केली.
