IND vs ENG : टीम इंडियात अचानक या गोलंदाजाची एन्ट्री, लॉर्ड्समध्ये प्लेइंग 11 मध्ये मिळणार संधी?Image Credit source: PTI
भारत आणि इंग्लंड वनडे मालिकेतील निर्णय सामना लॉर्ड्सवर होणार आहे. या सामन्यासाठी दोन्ही संघ सज्ज आहे. तसं पाहिलं तर लॉर्ड्सवर भारताची कामगिरी काही खास नाही. त्यामुळे मागची आकडेवारी पाहता इंग्लंडचा रेकॉर्ड चांगला आहे. असं असताना या सामन्यापूर्वी टीम इंडियाला नाइलाजास्तव संघात एक बदल करावा लागला आहे. या सामन्याच्या एक दिवस आधी बीसीसीआयने संघात एक बदल केल्याची घोषणा केली आहे. दुसऱ्या वनडे सामन्यात दुखापतीमुळे अष्टपैलू वॉशिंग्टन सुंदर उतरू शकला नव्हता. त्याची दुखापत पाहता मालिकेतून आऊट झाला आहे. त्याच्या अष्टपैलू हर्ष दुबे यला संघात स्थान दिलं गेलं आहे. हर्ष दुबेने मागच्या महिन्यात अफगाणिस्तानविरुद्धच्या वनडे मालिकेत आंतरराष्ट्रीय क्रिकेटमध्ये पदार्पण केलं होतं. दुबेने मालिकेत दोन सामने खेळले होते आणि चार विकेट काढल्या होत्या. यापूर्वी अफगाणिस्तानविरुद्धच्या कसोटी संघाचा भागही होता. तेव्हा त्याला संधी मिळाली नव्हती. आता झिम्बाब्वे दौऱ्यासाठी त्याची संघात निवड केली आहे.
वॉशिंग्टन सुंदरला काय झालं?
16 जुलैला कार्डिफमध्ये भारत इंग्लंड यांच्यात दुसरा वनडे सामना खेळला गेला. या सामन्यात फलंदाजी करताना वॉशिंग्टन सुंदरच्या पायाला वेदना झाल्या. त्यामुळे मैदानात फार काही टिकू शकला नाही. फक्त 5 चेंडूंचा सामना केला आणि बाद झाला. त्यानंतर फील्डिंगलाही उतरला नाही. त्यानंतर मालिकेतून आऊट झाल्याची बातमी समोर आली. बीसीसीआयने या प्रकरणी स्पष्टीकरण देत सांगितलं की, वॉशिंग्टनला हॅमस्ट्रिंगला दुखापत झाली आहे. त्यामुळे लॉर्ड्समध्ये तिसरा वनडे सामना खेळणार नाही.
हर्ष दुबेला प्लेइंग 11 मध्ये जागा मिळणार?
हर्ष दुबेची संघात निवड झाली आहे, पण त्याला प्लेइंग 11 मध्ये जागा मिळणार का? हा प्रश्न विचारला जात आहे. कारण मागच्या दोन्ही सामन्यात टीम इंडियाने प्रथम फलंदाजी केली. त्यात भारताची फलंदाजी काही खास नव्हती. कार्डिफमध्ये तर फलंदाजांची दाणादाण उडाली. त्यामुळे भारतीय संघ एक अतिरिक्त फलंदाजासह मैदानात उतरू शकते. त्यामुळे इशान किशन आणि केएल राहुल दोघेही संघात असू शकतात.
भारताची संभाव्य प्लेइंग 11
शुबमन गिल (कर्णधार), रोहित शर्मा, विराट कोहली, श्रेयस अय्यर, केएल राहुल (विकेटकीपर), शिवम दुबे, अक्षर पटेल, गुरनूर ब्रार, कुलदीप यादव, जसप्रीत बुमराह आणि प्रसिद्ध कृष्णा.
