रेडमी आपल्या बजेट स्मार्टफोन पोर्टफोलिओचा विस्तार करण्याच्या तयारीत आहे. लीक झालेल्या माहितीनुसार कंपनी लवकरच त्यांचा नवीन स्मार्टफोन रेडमी 17 भारतीय बाजारपेठेत लाँच करू शकते. हा फोन सध्याच्या रेडमी 15 चे अपग्रेड असल्याचे मानले जात आहे. अद्याप अधिकृत घोषणा झालेली नसली तरी, लाँच होण्यापूर्वीच त्याची संभाव्य किंमत, डिझाइन आणि वैशिष्ट्यांविषयी अनेक माहिती समोर आली आहे. मोठी बॅटरी आणि पॉवरफूल वैशिष्ट्यांसह,हा फोन बजेट सेगमेंटमध्ये एक उत्तम पर्याय ठरू शकतो. चला तर मग याफोनबद्दल त्याचे फिचर्स आणि संभाव्य किंमत जाणून घेऊयात.
अपेक्षित किंमत आणि स्टोरेज
लीक झालेल्या रिपोर्ट्सनुसार रेडमी 17 दोन स्टोरेज पर्यायांमध्ये उपलब्ध होऊ शकतो पहिला व्हेरिएंट 4GB रॅम + 128GB स्टोरेजसह येईल, तर दुसऱ्यामध्ये 6GB रॅम + 256GB स्टोरेज असू शकते.
किंमतीच्या बाबतीत बोलायचे झाल्यास या फोनच्या बेस मॉडेलची किंमत सुमारे 250 युरो म्हणजे भारतीय चलनानुसार अंदाजे 28 हजार रूपयांपासून सुरू होण्याची अपेक्षा आहे, तर टॉप-ऑफ-द-लाइन मॉडेलची किंमत 280 युरो अंदाजे 31 हजार रूपयांपर्यंत किंमत असू शकते.
डिझाइन आणि रंगाचे पर्याय
लीक झालेल्या रेंडर्सनुसार, रेडमी 17 आकर्षक डिझाइनसह येईल . कंपनी हा फोन डीप ब्लू, ब्लॅक, ओक ग्रीन आणि लोटस पर्पल या चार रंगांमध्ये लाँच करेल अशी अपेक्षा आहे. फोनचा लूक साधा आणि आधुनिक असून तो तरुणांना आकर्षित करेल अशी अपेक्षा आहे.
डिस्प्ले आणि प्रोसेसर
रेडमी 17 मध्ये मोठा 6.9-इंचाचा HD+ फ्लॅट डिस्प्ले असण्याची शक्यता आहे. ही स्क्रीन 120Hz रिफ्रेश रेटला सपोर्ट करू शकते, ज्यामुळे स्क्रोलिंग आणि गेमिंगचा अनुभव अधिक सुरळीत होईल.
कामगिरीसाठी यात मीडियाटेक हेलिओ जी91 अल्ट्रा प्रोसेसर असण्याची शक्यता आहे. हा चिपसेट दैनंदिन कामे, मल्टीटास्किंग आणि सामान्य गेमिंगसाठी चांगली कामगिरी देईल अशी अपेक्षा आहे.
कॅमेरा आणि बॅटरी
फोटोग्राफीसाठी फोनमध्ये ड्युअल रियर कॅमेरा सेटअप असण्याची शक्यता आहे, ज्यामध्ये 50 मेगापिक्सेलचा प्रायमरी कॅमेरा आणि एक अतिरिक्त सेन्सर असेल. सेल्फी आणि व्हिडिओ कॉलिंगसाठी 8 मेगापिक्सेलचा फ्रंट कॅमेरा अपेक्षित आहे. फोनचे सर्वात मोठे वैशिष्ट्य म्हणजे त्याची मोठी 7500mAh बॅटरी. तसेच 45 वॅट फास्ट चार्जिंगला सपोर्ट असण्याची शक्यता आहे, ज्यामुळे जलद चार्जिंग आणि जास्त वेळ वापर शक्य होईल.
सध्या कंपनीने लाँचची तारीख निश्चित केलेली नाही, परंतू मिळालेल्या माहितीच्या आधारे असे म्हणता येईल की, रेडमी 17 आपल्या मोठ्या बॅटरी, हाय रिफ्रेश रेट डिस्प्ले आणि पॉवरफूल हार्डवेअरमुळे बजेट स्मार्टफोन सेगमेंटमध्ये एक नवीन आव्हान उभे करू शकतो.
