FIFA वर्ल्ड कपच्या इतिहासात पहिल्यांदाच असं घडलं! तोंडावर हात ठेवल्यामुळं रेफरीने दिलं ‘रेड कार्ड’, LIVE मॅचमध्ये मोठा राडा | क्रीडा बातम्या (Sports News in Marathi)

तोंडावर हात ठेवला अन्…

मॅच सुरू असताना पहिल्या हाफमध्ये एका खेळाडूला दुखापत झाली. त्यावेळी काही सेकंदासाठी खेळ थांबला होता. याचवेळी जेव्हा मिडफील्डजवळ एका फाउलनंतर अलमिरोन आणि मर्ट मुल्डर यांच्यात जोरदार वाद झाला. यावेळी अलमिरोनने मुल्डरशी बोलताना आपल्या तोंडावर हात ठेवला अन् काहीतरी बोलण्याचा प्रयत्न केला, ज्यावर मुल्डरने ताबडतोब रेफरी इवान बार्टन यांच्याकडे दाद मागितली. त्यानंतर रेफरीने व्हिडीओ रेफरेन्स घेतला अन् नवीन नियमानुसार अलमिरोनला रेड कार्ड दाखवून मैदानाबाहेर काढलं.

नव्या नियमानुसार कारवाई

फिफामध्ये आणलेल्या नव्या नियमानुसार ही कारवाई केली गेली. या अनपेक्षित कारवाईनंतर पराग्वेच्या संघाला संपूर्ण मॅचमध्ये केवळ 10 खेळाडूंसह खेळावं लागलं. तरी देखील तुर्कीला विजय मिळवता आला नाही. माटियास गलार्झा याने मॅच सुरू झाल्यानंतर अवघ्या 65 सेकंदांच्या आत बॉल गोलपोस्टमध्ये धाडला. त्यामुळे पराग्वेच्या टीमला मॅच जिंकता आली.

आम्ही काहीही करू शकत नाही

पराग्वेचे मुख्य कोच गुस्तावो अल्फारो यांनी मॅच संपल्यानंतर या नवीन नियमावर आपली प्रतिक्रिया दिली. गुस्तावो अल्फारो म्हणाले की, नवीन नियमांनुसार जर तुम्ही मैदानावरील वादादरम्यान तोंड झाकले, तर तुम्हाला थेट मैदानाबाहेर जावे लागेल आणि यावर आम्ही काहीही करू शकत नाही. पराग्वेचा पुढील सामना गुरुवारी ऑस्ट्रेलियाविरुद्ध होणार असून त्या मॅचमध्ये ग्रुपमधील दुसऱ्या स्थानाचा अंतिम निकाल लागेल.