Zinc Capsule Case: कॅप्सूलमध्ये फिकट रंगाचं पावडर होतं आणि…, प्रत्यक्षदर्शीने सांगितलं मोहरममध्ये काय घडलं? | मुंबई बातम्या (Mumbai News)

दरम्यान,   भायखळा झिंक फॉस्फईड कॅप्सूल प्रकरण  आरोपी फय्याज निसार हुसेन प्रेमजी याला न्यायालयात हजर करण्यात आले. न्यायालयाने आरोपीला दोन दिवसांची पोलीस कोठडी सुनावली आहे. या प्रकरणी आणखी काही माहिती समोर येण्याची शक्यता आहे.

फयाजने 50 किलो झिंक फॉस्फाईडची ऑर्डर दिली होती. झिंक फॉस्फाईडचा वापर हा उंदीर मारण्याच्या गोळ्यांमध्ये केला जातो. काही दिवसांपासून तो राहत्या घरी एक एक ग्रॅम विष टाकून कॅप्सूल तयार करत होता. मोहरमला टार्गेट करण्याचा त्याचा हेतू होता. त्याने 2025 मध्ये इराण आणि इराकचा प्रवास केला होता. त्याच्याकडून 14900 कॅप्सूल जप्त करण्यात आल्या. तर 30000 कॅप्सूल तयार करण्याचे त्याचे लक्ष्य होते. त्या कॅप्सूलचे वितरण झाले नाही. पोलिसांमुळे मोठा कट उधळला. आतापर्यंत 11 ते 12 लोकांनी कॅप्सूल खाल्ल्याची धक्कादायक माहिती समोर आली आहे. तीन जणांना आतापर्यंत डिस्चार्ज मिळाला असून मात्र उर्वरित लोकांवर अजूनही उपचार सुरू आहेत. एकाची प्रकृती गंभीर आसल्याची असून हा आकडा वाढण्याची भीती आहे.