शिवसेना ठाकरे गटातून बंडखोरी केल्यानंतर खासदार ओमराजे निंबाळकर शिवसेना शिंदे गटात प्रवेश करणार आहेत. लोकसभा अध्यक्षांना एक पत्र 6 खासदारांकडून देण्यात आले. ठाकरे गटाचे 6 खासदार शिंदे गटात प्रवेश करणार आहेत. यापैकी एक ओमराजे निंबाळकर आहेत. नुकताच ओमराजे निंबाळकर यांनी दोन ते तीन दिवसात राजकीय भूमिका स्पष्ट करणार असल्याचे म्हटले. आपल्या मनातील खदखद त्यांनी काल बोलून दाखवली. पक्ष सोडण्याचा निर्णय नक्की का घ्यावा लागत आहे, हे देखील त्यांनी सांगितले. मात्र, आता ते मतदार संघात जाऊन निर्णय घेण्याच्या तयारीत आहेत. ओमराजे निंबाळकर यांचे वडील पवनराजे निंबाळकर यांच्या केसचा निकाल आज लागला आहे. सर्व आरोपींची निर्दाेष मुक्तता झाली. हा मोठा झटका ओमराजे निंबाळकर यांना आहे. कारण गेल्या 20 वर्षांपासून हे प्रकरण कोर्टात सुरू आहे. त्यामध्येच कोर्टाने हा निर्णय घेतला.
दुसरीकडे सुनावणी सुरू असताना ओमराजे निंबाळकर कोर्टात होते. त्यावेळी कोर्टाबाहेर मोठ्या संख्येने ठाकरेंचे शिवसैनिक जमले होते, यावेळी ते आक्रमक भूमिका घेतानाही दिसले. निकालानंतर ओमराजे निंबाळकर थेट पुण्यात दाखल झाले. ते आपल्या निवासस्थानी आहेत. शिवसेना ठाकरे गटाचे खासदार श्रीरंग आप्पा बारणे नुकताच ओमराजे निंबाळकर यांच्या भेटीकरिता गेले आहेत.
हेच नाही तर पुण्यातील ओमराजे निंबाळकर यांच्या निवासस्थानी शिवसैनिक मोठ्या संख्येने जमत आहेत. पोलिसांनी आता त्याच पार्श्वभूमीवर ओमराजे निंबाळकर यांच्या घराची सुरक्षा वाढवली आहे. खासदार ओमराजे निंबाळकर यांच्या निवासस्थानाच्या बाहेर आणखी पोलीस बंदोबस्त वाढवला. पोलीस पथकांच्या 5 गाड्या निवासस्थानाच्या बाहेर तैनात करण्यात आल्यात.
बंडखोरी केलेल्या 5 खासदार अज्ञातस्थळी आहेत. दिल्लीतील पंचतारांकित हॉटेलमध्ये यांना ठेवण्यात आल्याचे कळतंय. फक्त ओमराजे निंबाळकर बंडखोरी करूनही राज्यात आहे. शिवसैनिकांनी ऑपरेश या बंडखोरी खासदारांविरोधात सुरू केले. त्याच आता ओमराजे निंबाळकर यांच्या घराबाहेर शिवसैनिक ठाकरे गटाचे जमत आहेत. ओमराजे निंबाळकर यांच्या धाराशिवच्या निवासस्थानीही पोलिसांकडून सुरक्षा वाढवण्यात आली. पोलिस अलर्ट मोडवर आहे.
