Amol Kolhe Reveal Madhurani Prabhulkar Exit: ‘मी सावित्रीबाई ज्योतिराव फुले’ (Mi Savitribai Jyotirao Phule) मालिका आता स्टार प्रवाहवर बंद झाली असली तरी मराठी वारसाही यूट्यूब चॅनलवर आजपासून पुन्हा सुरू होणार आहे. दोन दिवसांपूर्वी या मालिकेचा नवा कोरा प्रोमो डॉ अमोल कोल्हे (Amol Kolhe) यांनी प्रदर्शित केल्यानंतर एकच चर्चा रंगली ती अभिनेत्री मधुराणी गोखले प्रभुलकर (Madhurani Gokhle Prabhulkar) यांच्या एक्झिटची. कारण या प्रोमोमध्ये सावित्रीबाई फुले यांच्या भूमिकेत मधुराणी यांच्या ऐवजी नव्या अभिनेत्रीला घेण्यात आलं. आता ही भूमिका क्षमा देशपांडे करणार आहेत. पण, मधुराणी यांनी मालिका का सोडली? असा प्रश्न त्यांच्या आणि मालिकेच्या चाहत्यांना पडल्यानंतर अभिनेते डॉ अमोल कोल्हे यांनी या प्रश्नावर अखेर मौन सोडलं. मधुराणी यांनी मालिकेला निरोप का दिला? याचं कारणही त्यांनी सांगितलं. तसेच नव्या मालिकेचा प्रोमो आवडल्याचा मेसेजही मला आला होता, असं हे त्यांनी आवर्जून सांगितलं.
Amol Kolhe: काय म्हणाले अमोल कोल्हे?
अमोल कोल्हे यांनी सांगितलं ‘ ज्यावेळी ही मालिका यूट्यूबचॅनलवर पुन्हा करायचं ठरवलं त्यावेळी आम्ही मालिकेतील सगळ्यात कलाकारांशी संवाद साधला . ज्या कलाकारांना, या मालिकेत सहभाग हवा आहे त्यांनी तो घ्यावा. ज्यांना नकोय, त्यांना तीही मुभा होती. अर्थात प्रत्येकाची कारण वेगळी असतात. प्रत्येकाला वेगळ्या अडचणी येऊ शकतात. प्रत्येकाचे प्राधान्यक्रम वेगळे असू शकतात.कलाकारांना हे पूर्ण स्वातंत्र्य होतं. कालच मला मधुराणीचा मेसेज आला होता की तिला प्रोमो प्रचंड आवडला. आणि तिने क्षमाला शुभेच्छा दिल्या आहेत. त्यामुळे हे प्रत्येकाचे स्वातंत्र्य होतं. या मालिकेचा भाग होण्याविषयी तुमचं मनात थोडी जरी अडचण असेल तर.. कारण मधुराणी ही त्या वाहिनीचा खरं तर चेहरा आहे.त्यामुळे कदाचित हा निर्णय घेत असताना तिला इतर गोष्टींची जी गणितं होती, ती जुळली नसावी.त्यामुळे तिने सांगितलं की माझ्या शुभेच्छा आहेत. त्यामुळे मग त्यानंतर नव्या सावित्रीबाईंसाठी शोध सुरू झाला.’ असं अभिनेते डॉ अमोल कोल्हे यांनी सांगितलं.
‘मी सावित्रीबाई ..’ मालिकेत या अभिनेत्रीची एन्ट्री
स्टार प्रवाह वाहिनीने मालिका बंद करण्याचा निर्णय घेतल्यानंतर अभिनेते डॉ अमोल कोल्हे यांनी मालिका युट्युबवर सुरू होणार असल्याचं सांगितलं. पण आता युट्युबवरील मालिकेत मधुराणी प्रभुलकर दिसणार नाही. मधुराणी यांच्या जागी अभिनेत्री क्षमा देशपांडे सावित्रीबाई फुले यांची भूमिका साकारताना दिसणार आहेत. दरम्यान youtube वर प्रसारित होणाऱ्या नव्या मालिकेचा प्रोमो शेअर करण्यात आल्यानंतर चाहत्यांना सावित्रीबाई फुले यांच्या भूमिकेत मधुराणी प्रभूलकर दिसल्याच नाहीत. त्यामुळे प्रेक्षकांना मोठा धक्का बसलाय. त्यांच्या जागी अभिनेत्री क्षमा देशपांडे या भूमिकेत दिसणार आहेत.
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
