ते जिवलग मित्र, पण ‘गर्लफ्रेंड कॉमन’; रात्री हर्षला त्या अवस्थेत पाहिलं अन् मित्रानंच कायमचं संपवलं, पुण्यात थरार | पुणे बातम्या (Pune News)

पोलिसांनी दिलेल्या माहितीनुसार, हर्ष मच्छिंद्र जाधव (वय २३) असे खून झालेल्या दुर्दैवी तरुणाचे नाव आहे. हर्ष आणि त्याला मारणारे तिन्ही आरोपी हे एकमेकांचे खूप जवळचे मित्र होते. मात्र, गेल्या ६ महिन्यांपासून त्यांच्यामध्ये एकाच तरुणीसोबत असलेल्या प्रेमसंबंधांवरून सातत्याने मोठे वाद सुरू होते. एकाच मुलीच्या प्रेमात पडल्यामुळे मित्रांमधील मैत्रीचे रूपांतर भयंकर शत्रुत्वात झाले होते.

दोन दिवसांपूर्वी मृत हर्ष जाधव हा अतिप्रमाणात दारू पिऊन मध्यधुंद अवस्थेत आरोपींपैकी एका मित्राच्या घरात घुसला होता. तिथे त्याने मुलीच्या वादावरून प्रचंड गोंधळ घातला आणि शिवीगाळ केली. आपल्याच घरात येऊन हर्षने केलेला हा अपमान मित्रांच्या जिव्हारी लागला. याचाच वचपा काढण्यासाठी आणि सूड घेण्यासाठी तिघांनी मिळून हर्षचा गेम करण्याचा म्हणजेच त्याला संपवण्याचा पक्का कट रचला.