IND vs ENG: वैभव सूर्यवंशी आणि संजू सॅमसन दोघंही खेळणार! तिसऱ्या टी20 सामन्यात कोणाचा पत्ता कापणार?Image Credit source: Getty Images
भारत आणि इंग्लंड यांच्यातील पाच सामन्यांच्या टी20 मालिकेतील तिसरा सामना नॉटिंघमच्या ट्रेंट ब्रिज येथे खेळला जाणार आहे. या मालिकेत बरोबरी साधण्यासाठी भारताला या विजय मिळवणं आवश्यक आहे. या मालिकेतील पहिला सामना पावासमुळे रद्द झाला. तर दुसऱ्या सामन्यात इंग्लंडने विजय मिळवला. त्यामुळे मालिकेत इंग्लंडने 1-0 ने आघाडी घेतली आहे. असं असताना तिसरा टी20 सामन्यात भारताला विजय महत्त्वाचा आहे. अन्यथा मालिका गमवण्याची वेळ टीम इंडियावर येऊ शकते. आता प्रश्न असा आहे की, तिसऱ्या टी20 सामन्यात कोणत्या प्लेइंग 11 सह भारतीय संघ मैदानात उतरेल. कारण मागच्या सामन्यात विकेटकीपर फलंदाज संजू सॅमसनला बसवलं होतं. तर त्याच्या जागी वैभव सूर्यवंशीला संघात जागा दिली होती. संजू सॅमसनला तिसऱ्या टी20 सामन्यात खेळवणार अशी माहिती समोर येत आहे.
संजू सॅमसन प्लेइंग 11 भाग असेल?
मिडिया रिपोर्टनुसार, संजू सॅमसनला तिसऱ्या टी20 सामन्यासाठी संघात स्थान मिळेल. मागच्या सामन्यात त्याला बसवून वैभव सूर्यवंशीला स्थान दिलं होतं. पण आता प्लेइंग 11 चा भाग असेल असं सांगितलं जात आहे. इतकंच काय तर संजू सॅमसनसह वैभव सूर्यवंशीही संघाचा भाग असेल. म्हणजेच तिसऱ्या सामन्यात वैभव सूर्यवंशी आणि अभिषेक शर्मा हे ओपनिंग करतील. तर संजू सॅमसन तिसऱ्या स्थानावर उतरेल. पण संजू सॅमसन प्लेइंग 11 भाग झाला तर कोणाला बसवलं जाईल? हा मोठा प्रश्न आहे. टीम इंडियाच्या मधल्या फळीत डावखुऱ्या फलंदाजांचा भरणा आहे. संजू सॅमसन तिसऱ्या क्रमांकावर फलंदाजीला उतरला तर उजवं डावं कॉम्बिनेशन राहिल.
रवि बिष्णोईचा पत्ता कापला जाणार?
इंग्लंडविरुद्धच्या दुसऱ्या टी20 सामन्यात रवि बिष्णोईच्या सुमार गोलंदाजीचा फटका टीम इंडियाला बसला होता. त्याने 4 षटकात 60 धावा दिल्या. इतकंच काय तर एकाच षटकात 29 धावा देऊन भारताला पराभवाच्या दरीत ढकललं. इतकंच काय तर या सामन्यात रवि बिष्णोईने तीन नो बॉल टाकले. या फ्री हिटवर इंग्लंडने 16 धावा काढल्या. त्यामुळे दुसऱ्या सामन्यातील सुमार कामगिरी पाहून त्याला संधी देणं कठीण आहे. त्याच्या जागी प्रिन्स यादव किंवा वॉशिंग्टन सुंदरला संधी दिली जाऊ शकते. तर हार्षित राणालाही आराम दिला जाणार असल्याचं बोललं जात आहे.
तिसऱ्या टी20 सामन्यासाठी संभाव्य प्लेइंग 11 : वैभव सूर्यवंशी, अभिषेक शर्मा, संजू सॅमसन, इशान किशन, श्रेयस अय्यर, तिलक वर्मा, शिवम दुबे, अक्षर पटेल, अर्शदीप सिंह, वरुण चक्रवर्ती आणि प्रिंस यादव
