हा व्यापारी मूळचा जळगावचा असून, व्यवसायानिमित्त तो वारंवार मुंबईला येत असे. 23 सप्टेंबर रोजी तो व्यापारासंबंधी कामासाठी मुंबईला आला होता. सीएसएमटी स्थानकावर पोहोचताच त्याची भेट एका अनोळखी महिलेशी झाली. बोलता बोलता तिने त्याच्याशी जवळीक साधली आणि 500 रुपयांच्या बदल्यात शारीरिक सुख देण्याचं आमिष दाखवलं.
Mumbai Crime : मैत्रिणीला फ्लॅटवर बोलवत सामूहिक अत्याचार, लग्नासाठी मुख्य आरोपी आकाशला जामीन, सेशन्स कोर्टाच्या निर्णयावर हायकोर्टाचा संताप
व्यापाऱ्याने प्रस्ताव मान्य केल्यानंतर ती महिला त्याला टॅक्सीने गिरगाव परिसरात घेऊन गेली. भारत भवन हॉटेलजवळ असलेल्या एका इमारतीत ती त्याला वरच्या मजल्यावरील खोलीत घेऊन गेली. व्यापाऱ्याने आत पाऊल टाकताच त्याला अजून एक महिला दिसली. क्षणातच त्या महिलेनं आरडाओरड सुरू केली आणि व्यापारी तिचा व्हिडिओ काढत असल्याचा आरोप केला.
दरम्यान, आणखी तीन महिला खोलीत शिरल्या. त्यांनी व्यापाऱ्याला धमकावत त्याच्याकडून ऑनलाईन 22 हजार रुपये ट्रान्सफर करून घेतले, तसेच त्याच्या पाकिटातील 13 हजार रुपयेही बळजबरीने घेतले.
या घटनेनंतर व्यापाऱ्याने 30 सप्टेंबर रोजी व्ही. पी. रोड पोलिस ठाण्यात तक्रार दाखल केली. पोलिसांनी तातडीने कारवाई करत ऑनलाईन ट्रान्सफरची पडताळणी केली आणि घटनास्थळावरील सीसीटीव्ही फुटेज जप्त केले. फुटेजच्या आधारे तीन महिलांना अटक करण्यात आली आहे.
“आम्हाला संशय आहे की या टोळीने अशाच पद्धतीने आणखी काही पुरुषांना लक्ष्य केलं असावं. काही पीडित सामाजिक कलंकाच्या भीतीने पुढे येत नसावेत,” असं पोलिस अधिकाऱ्यांनी सांगितलं. पोलिस आता या महिलांचा मोठ्या खंडणी रॅकेटशी संबंध आहे का, याचा तपास करत आहेत.
गोपीचंद पडळकर, लक्ष्मण हाके, सदावर्ते ही टोळी; जयंत पाटलांवर टीका केल्याप्रकरणी सचिन खरातांची टीका
अटक केलेल्या आरोपी महिलांची ओळख मजिता बेबी नूर (35), रूपा विश्वनाथ दास (47) आणि नसिमा जमाल शेख (38) अशी झाली आहे. या प्रकरणात आणखी एक महिला सहभागी असून तिचा शोध पोलिस घेत आहेत.
