मायक्रोसॉफ्ट कंपनीने त्यांचा आतापर्यंतचा सर्वात पॉवरफूल लॅपटॉप, सरफेस लॅपटॉप अल्ट्रा भारतीय बाजारात सादर केला आहे. एनव्हिडियाच्या भागीदारीत बनलेला हा लॅपटॉप विशेषतः क्रिएटर्स, डेव्हलपर्स आणि एआय प्रोफेशनल्स यांच्यासाठी डिझाइन केलेला आहे. यामध्ये ब्लॅकवेल आरटीएक्स जीपीयू आणि एनव्हिडिया आरटीएक्स स्पार्क सुपरचिप आहे. कंपनीचा दावा आहे की, हे डिव्हाइस हेवी एआय मॉडेल्स, 3डी रेंडरिंग कामे सहजपणे हाताळू शकतो. यात 128 जीबी पर्यंतची युनिफाइड मेमरी आणि संपूर्ण CUDA सपोर्ट देखील आहे, ज्यामुळे हा लॅपटॉप अत्यंत मजबूत बनतो. चला तर या लॅपटॉपबद्दल अधिक जाणून घेऊयात.
डिस्प्ले आणि डिझाइन
सरफेस लॅपटॉप अल्ट्रामध्ये 15-इंचाचा मिनी एलईडी पिक्सेलसेन्स अल्ट्रा टचस्क्रीन डिस्प्ले आहे. हा डिस्प्ले 2000 निट्सपर्यंतच्या पीक एचडीआर ब्राइटनेसला सपोर्ट करतो, ज्यामुळे बाहेरच्या प्रकाशातही उत्कृष्टपणे लॅपटॉपमध्ये काम करता येईल.
कंपनीच्या मते, हा आतापर्यंतचा सर्वात तेजस्वी सरफेस डिस्प्ले आहे. यात 262 पीपीआय पिक्सेल डेन्सिटी आहे, जी उच्च-गुणवत्तेची रंगांची अचूकता प्रदान करते.
डिझाइनच्या बाबतीत बोलायचे झाल्यास हे प्रीमियम फिनिशसह येते आणि प्रोफेशनल वापरासाठी डिझाइन केलेले आहे. मायक्रोसॉफ्टने याला मजबूत आणि रिपेअर फ्रेंडली बनवले आहे, ज्यामुळे गरज पडल्यास भाग सहजपणे बदलता येतात.
परफॉर्मेंस आणि एआय पावर
या लॅपटॉपमध्ये एनव्हिडियाचा ब्लॅकवेल आरटीएक्स जीपीयू आहे, ज्यामुळे हे एक उच्च-कार्यक्षमतेचे मशीन बनते. यात 6144 क्युडा कोअर्स आणि फिफ्थ जनरेशनचा टेन्सर कोअर्ससह एनव्हिडिया ग्रेस सीपीयू आहे.
कंपनीच्या म्हणण्यानुसार हे डिव्हाइस 1 पेटाफ्लॉपपर्यंतची एआय कंप्युटर पावर देऊ शकते, ज्यामुळे ते 120 अब्ज पॅरामीटर्सपर्यंतचे लोकल एआय मॉडेल्स रन केले जाऊ शकते. संपूर्ण क्युडा सपोर्ट असलेले हे पहिले सरफेस डिव्हाइस आहे, जे विशेषतः एआय संशोधन, सॉफ्टवेअर डेव्हलपमेंट आणि अवघड संगणकीय कार्यांवर लक्ष केंद्रित करते.
वैशिष्ट्ये आणि कनेक्टिव्हिटी
सरफेस लॅपटॉप अल्ट्रामध्ये 128 जीबी पर्यंतची युनिफाइड मेमरी आहे, जी सीपीयू आणि जीपीयूमध्ये संसाधनांचे गतिशीलपणे वाटप करू शकते.
यात एक सुधारित थर्मल सिस्टीम देखील आहे, जी मागील मॉडेलपेक्षा 2.5 पट अधिक कार्यक्षमता देते.
कनेक्टिव्हिटी पर्यायांमध्ये एचडीएमआय पोर्ट, यूएसबी टाइप-सी, यूएसबी टाइप-ए, एक एसडी कार्ड स्लॉट आणि 3.5 मिमी हेडफोन जॅक यांचा समावेश आहे. यात मायक्रोसॉफ्टचा सर्वात मोठा हॅप्टिक टचपॅड देखील आहे.
सुरक्षेसाठी हे विंडोज हॅलो फेशियल रेकग्निशनला सपोर्ट करते. कंपनीने भविष्यातील एआय वर्कलोड्स आणि प्रोफेशनल गरजा सहजपणे पूर्ण करण्यासाठी याची रचना केली आहे.
