आयटेलने सोमवारी 1 जून रोजी भारतात त्यांचा नवीन फीचर फोन असलेला आयटेल ॲक्वा लाँच केला आहे. हा फोन विशेषतः अशा वापरकर्त्यांसाठी आहे ज्यांना एक मजबूत, टिकाऊ आणि दीर्घकाळ टिकणारा फोन हवा आहे. याचे सर्वात मोठे वैशिष्ट्य म्हणजे त्याचे IP67 धूळ आणि पाणी प्रतिरोधक रेटिंग, जे सहसा अधिक महागड्या स्मार्टफोन्समध्ये आढळते. कंपनीने या फोनमध्ये 1200mAh बॅटरी, AI एन्व्हायर्नमेंटल नॉइज कॅन्सलेशन आहे. तसेच हा फोन USB टाइप-C चार्जिंगला सपोर्ट करतो.
तर आयटेलच्या या फोनची किंमत फक्त 1 हजार 799 रूपये आहे. हा फोन हिंदी, इंग्रजी, बंगाली, मराठी, तेलगू, तमिळ, गुजराती, पंजाबी, कन्नड आणि मल्याळम यांसह 10 भारतीय भाषांना सपोर्ट करतो. चला तर मग आजच्या लेखात या फोनच्या इतर फिचर्स जाणून घेऊयात.
आयटेलच्या फोनला मजबूत डिझाइनसह IP67 संरक्षण
आयटेल ॲक्वा (itel Aqua) हा खडबडीत आणि टिकाऊ वापरासाठी डिझाइन केलेला आहे. या फोनला IP67 रेटिंग आहे, ज्यामुळे तो धूळ आणि पाण्याला अत्यंत प्रतिरोधक ठरतो. कंपनीच्या मते हे डिव्हाइस पाऊस, पाण्याचे शिंतोडे, ओला चिखल आणि बाहेरील कठोर परिस्थितीतही उत्तम कामगिरी करू शकते. तसेच हा फोन निळा, लाल आणि ब्लॅक या रंगांच्या पर्यायांमध्ये उपलब्ध असून, देशभरातील रिटेल स्टोअर्समध्ये विक्रीसाठी उपलब्ध केला आहे.
डिस्प्ले, स्टोरेज आणि कॉलिंग फिचर्स
या फोनमध्ये 2.4-इंचाचा डिस्प्ले आहे. कंपनीचा दावा आहे की, याची स्क्रीन उत्कृष्ट ब्राइटनेस देते, ज्यामुळे थेट सूर्यप्रकाशातही मोबाईल स्क्रिनवरील वाचणे सोपे होते. स्टोरेजसाठी मेमरी कार्डद्वारे 32 जीबीपर्यंत स्टोरेज वाढवता येते. या फोनमध्ये 1,000 कॉन्टॅक्ट्स, 250 मेसेजेस आणि 60 कॉल लॉग्स साठवता येतात. फोटोग्राफीसाठी यात व्हीजीए (VGA) रिअर कॅमेरा आहे. एआय (AI) एन्व्हायर्नमेंटल नॉइज कॅन्सलेशन फीचर कॉल दरम्यान आजूबाजूचा आवाज कमी करण्यास मदत करते, ज्यामुळे संभाषण अधिक स्पष्ट होते.
बॅटरी, भाषा आणि कनेक्टिव्हिटी
आयटेल ॲक्वामध्ये 1200mAh क्षमतेची बॅटरी आहे, जी दीर्घकाळ टिकणारा बॅकअप देते. चार्जिंगसाठी यात एक आधुनिक USB टाइप-C पोर्ट आहे, जो फीचर फोन सेगमेंटमध्ये एक उपयुक्त अपग्रेड मानला जातो. या फोनमध्ये ब्लूटूथ कनेक्टिव्हिटी, वायरलेस एफएम रेडिओ रेकॉर्डिंग आणि वायरलेस फाइल शेअरिंगची सुविधा देखील आहे. यात किंग व्हॉइस नावाचे एक द्विभाषिक व्हॉइस असिस्टन्स फीचर देखील आहे, जे मेनू, कॉल आणि नोटिफिकेशनची माहिती हिंदी आणि इंग्रजीमध्ये देते. हा फोन हिंदी, इंग्रजी, बंगाली, मराठी, तेलगू, तमिळ, गुजराती, पंजाबी, कन्नड आणि मल्याळमसह 10 भारतीय भाषांना सपोर्ट करतो. यात स्पीड डायल, ऑटो कॉल रेकॉर्डिंग, सुपर बॅटरी मोड आणि टाइम अपडेट्स यांसारख्या अनेक उपयुक्त फीचर्सचाही समावेश आहे.
