Shubhman Gill On Rohit Sharma Run Out Ind vs Afg 1st ODI: रनआऊट झाल्यानंतर रोहित शर्मा रागवला होता का?; शुभमन गिल हसत हसत म्हणाला….

Shubhman Gill On Rohit Sharma Run Out Ind vs Afg 1st ODI: भारत आणि अफगाणिस्तान (Ind vs Afg 1st ODI) यांच्यातील तीन एकदिवसीय सामन्यांच्या मालिकेतील पहिल्या एकदिवसीय सामन्यात भारताने 5 विकेट्सने विजय मिळवला. पावसामुळे भारत आणि अफगाणिस्तान यांच्यात 25 षटकांचा सामना खेळवण्यात आला. यावेळी प्रथम फलंदाजी करताना अफगाणिस्तानने 194 धावा केल्या. प्रत्युत्तरात, भारतीय संघाने 15 चेंडू ठेवून लक्ष्य गाठले. कर्णधार शुभमन गिल (Shubhman Gill) 84 धावांवर नाबाद राहिला.

अफगाणिस्ताविरुद्धच्या पहिल्या एकदिवसीय सामन्यात रोहित शर्मा (Rohit Sharma) धावबाद झाला. शुभमन गिलसोबत झालेल्या गैरसमजामुळे रोहित शर्मा 16 धावांवर धावबाद झाला. रोहित चोरटी धाव घेण्यासाठी धावला, पण शुभमन गिलने नकार दिला. ज्यामुळे गोंधळ निर्माण झाला. 16 धावा करून रोहित शर्मा आऊट झाला. अफगाणिस्तानचा गोलंदाज अल्लाह गझनफर शुभमन गिलच्या मार्गात अडथळा आणल्याने रोहित शर्माला धावबाद व्हावे लागले. धावबाद झाल्यानंतर पव्हेलियनमध्ये जात असताना रोहितच्या चेहऱ्यावर राग आणि निराशा स्पष्ट दिसत होती. सामना संपल्यानंतर या सगळ्या प्रकरणावर शुभमन गिलने प्रतिक्रिया दिली. (Rohit Sharma Run Out)

रोहित शर्मा रागावला होता का? (Shubhman Gill On Rohit Sharma Run Out)

शुभमन गिलसोबतच्या ताळमेळाच्या अभावामुळे रोहित शर्मा धावबाद झाला होता. सामन्यानंतर ड्रेसिंग रूममध्ये परतल्यावर रोहित त्याच्यावर रागावला होता का?, असे विचारले असता शुभमन गिल हसला आणि म्हणाला, त्याने (रोहितने) रिप्ले पाहिला आणि म्हणाला की, सर्व काही ठीक आहे. मागच्या वेळी जेव्हा आम्ही अफगाणिस्तानविरुद्ध टी- 20 खेळलो होतो, तेव्हाही रोहित धावबाद झाला होता, अशी आठवणही शुभमन गिलने सांगितली.

Shubman Gill said, “Rohit Sharma saw the replay and said it’s fine about the run out. Last time we played a T20i against Afghanistan, he got run out there as well (smiles)”. pic.twitter.com/vyy3Eh6mpm

— Mufaddal Vohra (@mufaddal_vohra) June 13, 2026

सामना कसा राहिला? (India vs Afghanistan 1st ODI)

भारत आणि अफगाणिस्तान यांच्यात धरमशाला येथे पहिला एकदिवसीय सामना खेळवण्यात आला. पावसामुळे सामना उशिरा सुरु झाला. मुसळधार पावसामुळे षटकांची संख्या प्रत्येकी 25 पर्यंत कमी करण्यात आली. अफगाणिस्तानसाठी, रहमानुल्ला गुरबाजने सर्वात जलद एकदिवसीय शतक (48 चेंडूंमध्ये) झळकावून इतिहास रचला. गुरबाजच्या शतकामुळे अफगाणिस्तानने 194 धावा केल्या. प्रत्युत्तरात, भारताचा कर्णधार शुभमन गिल 84 धावांवर नाबाद राहिला. इशान किशनने 34 धावा केल्या आणि अखेरीस केएल राहुलने 19 चेंडूंमध्ये 39 धावांची धडाकेबाज खेळी करून भारताचा विजय निश्चित केला.