तब्बल 14 वर्षे चेहरा बदलून घरात राहिली; शेजारी घडलेल्या एका घटनेने अखेर तिचं भयंकर गुपित आणलं समोर; मुंबईतील खळबळजनक घटना | मुंबई बातम्या (Mumbai News)

मिळालेल्या माहितीनुसार, या घटनेतील तक्रारदार महिला ही बीएमसीतून गेल्या तीन वर्षांपूर्वी सेवानिवृत्त झालेली आहे. सध्या ती करी रोड या परिसरात आपल्या पती आणि मुलासोबत वास्तव्यास आहे. या कुटुंबाकडेच योगित ही गेल्या 14 वर्षांपासून घरकाम करत होती. इतकी वर्षे जुनी असल्याने घरातील प्रत्येक सदस्यांचा तिच्यावर पूर्ण विश्वास होता. मात्र तिच्या वागण्यात बदल तक्रारदार महिलेला दिसून आला त्यामुळे मे महिन्याच्या शेवटच्या आठवड्यात योगिताला कामावरुन काढून टाकले होते.

शेजाऱ्याच्या घरातील चोरीचा हा प्रकार तक्रारदार महिलेला समजला, त्यानंतर तिच्या मनातही शंकेची पाल चुकचुकली आणि तिने तातडीने आपल्या घरातील कपाटाची-लॉकरची पाहणी केली. तेव्हा तिच्या कपाटातील सोन्याचे दोन मोठे हार अशा अनेक वस्तू तब्बल 8 लाख रुपये किमतीचे सोन्याचे दागिने गायब होते. त्यानंतर त्यांनी तातडीने पोलिसांत धाव घेतली आणि पोलिस पुढील तपास करत आहेत.