ऐश्वर्या राय लेकीसह निघाली कान्सला! ‘कान्स क्वीन इज बॅक’ आराध्याचा हात घट्ट धरून वेधले लक्ष दोघींच्या लूकची सोशल मीडियावर चर्चा

ऐश्वर्याच्या लूकबद्दल बोलायचं झालं तर तिची स्टाईल नेहमीच एलिगंट असते. ती कधीही फार गोंधळात टाकणारे किंवा अतिरेक फॅशन स्टेटमेंट करत नाही. साधेपणातही आकर्षक कसं दिसायचं हे ऐश्वर्याकडून शिकावं, असं तिचे चाहते नेहमी म्हणतात. यावेळीही विमानतळावरचा तिचा लूक साधा होता, पण त्यात स्टारडम स्पष्ट दिसत होतं. मिनिमल मेकअप, मोकळे केस आणि आत्मविश्वासपूर्ण स्माईल एवढंच तिच्या लूकला खास बनवत होतं.

मुंबई विमानतळावर दोघींची एन्ट्री होताच पापाराझींनी कॅमेरे रोखले. पण या वेळेस सर्वात जास्त चर्चा झाली ती ऐश्वर्याच्या युनिक जॅकेटची. नेहमीच्या फॉर्मल किंवा ग्लॅमरस आउटफिटपेक्षा हटके डिझाइन असलेलं हे ब्लॅक जॅकेट तिच्या संपूर्ण लूकचं हायलाइट ठरलं. ओव्हरसाईज फिट, स्ट्रक्चर्ड शोल्डर्स आणि मिनिमल डिटेलिंग असलेल्या या जॅकेटमुळे तिच्या स्टाईलला एक वेगळाच अॅटिट्यूड मिळाला होता.त्या जॅकेटला ग्लिटर देखील लावण्यात आले होते. तिचा हा लुक चाहत्यांनी खूप आवडले.

ऐश्वर्या रायचा हा एअरपोर्ट लूक फक्त तिच्या युनिक जॅकेटमुळेच नाही, तर तिच्या खास हेअरस्टाईलमुळेही चर्चेत आला आहे. Aishwarya Rai Bachchan हिने यावेळी अतिशय सिम्पल पण एलिगंट असा लूक निवडला होता. तिची हेअरस्टाईल ही ओपन, मिडल पार्टिंग असलेली होती. मोकळे, थोडे नैसर्गिक वेव्ह्ज असलेले केस तिच्या संपूर्ण लूकला एक सॉफ्ट आणि ग्रेसफुल टच देत होते.

विशेष म्हणजे कोणतीही ओव्हरस्टायलिंग न करता तिने तिच्या नैसर्गिक केसांच्या टेक्सचरला प्राधान्य दिलं होतं. त्यामुळे तिचा लूक अधिक रॉयल आणि सहज दिसत होता. विमानतळावरच्या लाइटिंगमध्ये तिचे मोकळे केस आणि मिनिमल मेकअप यांचा कॉम्बिनेशन अधिक उठून दिसत होता. केसांना दिलेला हलका वॉल्यूम तिच्या फेस कटला परफेक्ट फ्रेम देत होता. त्यामुळे संपूर्ण लूकमध्ये एक प्रकारची क्लासिक बॉलिवूड डीवा वाइब जाणवत होती.

आई म्हणून ऐश्वर्या नेहमीच तिच्या मुलीबाबत अतिशय प्रोटेक्टिव्ह असल्याचं पाहायला मिळतं. सार्वजनिक कार्यक्रम असो, परदेश दौरे असोत किंवा एखादा खास इव्हेंट ती अनेकदा आराध्याचा हात धरूनच चालताना दिसते. यावरून सोशल मीडियावर नेहमीच चर्चा रंगते. काही लोक तिच्या या वागण्याचं कौतुक करतात, तर काहीजण त्यावर विनोदही करतात. पण यावेळी मात्र बहुतेक चाहत्यांनी “आई-मुलीचं हे नातं खूप सुंदर आहे” अशा प्रतिक्रिया दिल्या.

Aishwarya Rai Bachchan हिचा एअरपोर्ट लूक समोर येताच सोशल मीडियावर चाहत्यांच्या कमेंट्सचा अक्षरशः पाऊस पडला आहे. तिच्या युनिक ब्लॅक जॅकेट, मोकळ्या हेअरस्टाईल आणि लेक Aaradhya Bachchan सोबतच्या बॉन्डिंगने इंटरनेटवर मोठी चर्चा निर्माण केली आहे. काही मिनिटांतच तिचे फोटो आणि व्हिडिओ व्हायरल झाले आणि चाहत्यांनी “कान्स क्वीन इज बॅक”, “ब्लॅक इज हर कलर” अशा कमेंट्स करत तिचं जोरदार स्वागत केलं.

अनेक युजर्सनी तिच्या स्टाईल आणि साधेपणाचं कौतुक करत “एलिगन्स इन एव्हरी स्टेप” अशी प्रतिक्रिया दिली आहे. तर काहींनी तिच्या युनिक जॅकेटला हायलाइट करत “फॅशन क्वीन अगेन स्टील्स द शो” असं म्हटलं आहे.