Zee Marathi New Serial: सध्या मराठी मनोरंजनसृष्टीत टीआरपीच्या स्पर्धेत टिकून राहण्यासाठी मराठी वाहिन्या वेगवेगळ्या क्लुप्त्या काढताना दिसत आहेत.स्टार प्रवाह वाहिनीने अलीकडेच आठ नव्या कोऱ्या मालिकांची घोषणा केली. आता झी मराठीवरही एक नवी मालिका सुरू होते आहे. ‘कृष्णाईच्या लेकी’ मालिका झी मराठीवर 15 जून पासून दररोज संध्याकाळी 7 वाजता प्रेक्षकांना पाहता येणार आहे. आता, झी मराठीने एक प्रोमो शेअर केला आहे. या प्रोमोमुळे प्रेक्षकांची उत्सुकता शिगेला गेलीय. कारणही तसंच आहे. झी मराठीने शेअर केलेल्या या नव्या प्रोमोमध्ये ‘काहे दिया परदेस’ मालिकेच्या OG जोडीचं कमबॅक होणार आहे. (Kahe Diya Pardes Duo)
आपली लाडकी जोडी वाढवणार नव्या गोष्टीची गोडी !तुम्ही तयार आहात ना? असा कॅप्शन शेअर करत हा प्रोमो शेअर केलाय. या प्रोमोमध्ये ‘काहे दिया परदेस ‘ या गाजलेल्या मालिकेतील शिव आणि गौरी नव्या मालिकेची गोडी वाढवायला सज्ज झाले आहेत. त्यामुळे, झी मराठीच्या प्रेक्षकांना पर्वणी मिळणार आहे.
कृष्णाईची खानावळ मालिकेत OG जोडीचा कमबॅक
झी मराठीवर 15 जून पासून येणाऱ्या ‘कृष्णाईची खानावळ’ या मालिकेत ‘काहे दिया परदेस’ या लोकप्रिय मालिकेतील अभिनेता ऋषी सक्सेना आणि अभिनेत्री सायली संजीव यांनी शिव आणि गौरीची भूमिका साकारली होती. महाराष्ट्रातली मुलगी आणि बनारसमधील मुलगा यांची प्रेम कथा या मालिकेत दाखवण्यात आली होती. दोघांमधील केमिस्ट्री आणि वेगवेगळ्या वातावरणातील दोन्ही कुटुंबांमधील नातेसंबंध यावर आधारलेली या मालिकेने अल्पावधीतच प्रेक्षकांची मने जिंकली होती.
आता अनेक वर्षांनंतर ही लोकप्रिय जोडी पुन्हा एकदा छोट्या पडद्यावर परतणार आहे. आता ही जोडी किती दिवस प्रेक्षकांचे मनोरंजन करणार याकडे प्रेक्षकांचे लक्ष आहे. अनेकदा मालिकांमध्ये पाहुणे कलाकार येत असतात. त्यामुळे शिव आणि गौरी हे काही एपिसोडपर्यंतच असणार की नव्या मालिकेत त्यांचे काही विशेष रोल आहेत, हे पाहणं औत्सुक्याचे ठरणार आहे.
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
