Riteish Deshmukh on Raja Shivaji: अभिनेता रितेश देशमुख सध्या त्याच्या ‘राजा शिवाजी’ या चित्रपटामुळे चर्चेत आहे. हा चित्रपट बॉक्स ऑफिसवर धडाकेबाज कामगिरी करत आहे. आता, रितेश देशमुखने सिनेमॅटोग्राफर संतोष सिवन यांच्यासाठी एक खास पोस्ट शेअर केली आहे. रितेशने पडद्यामागील फोटो शेअर करत त्यांना आपले ‘मार्गदर्शक’ आणि ‘ध्रुवतारा’ म्हटले आहे.
रितेश देशमुखची भावनिक पोस्ट
रितेश देशमुखने लिहिले, “प्रिय संतोष सिवन सर, सुरुवातीपासूनच, तुम्ही माझ्या स्वप्नांना केवळ पाठिंबाच दिला नाही, तर ती तुमची स्वतःचीच आहेत असे समजून प्रेम आणि विश्वासाने त्यांचे संगोपनही केले. या प्रकारच्या विश्वासाने माझ्यासाठी सर्व काही बदलून टाकले. कारण तुम्ही नेहमी माझ्या पाठीशी उभे राहिलात. त्यामुळे मला निर्भय राहण्याचे धैर्य मिळाले. मी मोठे धोके पत्करू शकलो, कारण मला माहित होते की जर मी हरवलो किंवा अडचणीत सापडलो, तर तुमचा पाठिंबा आणि मार्गदर्शन मला मार्ग दाखवेल.”
तुमचे आभार मानण्यासाठी माझ्याकडे शब्द नाहीत
पुढे रितेशने लिहिले, “असे अनेक क्षण होते जेव्हा मला खूप ओझे वाटले, पण प्रत्येक क्षणी मला आठवले की मी एकटा नाही. तुम्ही हा प्रवास सुंदर बनवला आहे. तुम्ही आमच्या ‘राजा शिवाजी’ चित्रपटाला जिवंत, विशेष आणि वैयक्तिक बनवले. माझे गुरू, माझे मार्गदर्शक, माझे ध्रुवतारे, तुमचे आभार मानण्यासाठी माझ्याकडे शब्द नाहीत. मी तुमच्यावर मनापासून प्रेम करतो. मी तुमचा आदर करतो. मी तुमचा सदैव ऋणी राहीन. खूप खूप आभार आणि प्रेम, रितेश.”
रितेश देशमुखने मुख्य भूमिका साकारली
‘राजा शिवाजी’ चित्रपटाचे दिग्दर्शन रितेश देशमुखने केलं आहे. रितेश देशमुखने मुख्य भूमिका साकारली आहे, तर जेनेलिया देशमुखने पत्नीची भूमिका साकारली आहे. या चित्रपटात अभिषेक बच्चन, संजय दत्त आणि विद्या बालन यांच्याही भूमिका आहेत. सलमान खानने चित्रपटात पाहुण्या कलाकाराची भूमिका साकारली आहे, ज्याचे खूप कौतुक झाले. रितेश देशमुख यांचा 10 वर्षांचा मुलगा, राहिल, देखील या चित्रपटात दिसतो.
इतर महत्वाच्या बातम्या
आणखी वाचा
