Maharashtra Petrol Diesel Shortage : बुलढाणा जिल्ह्यात डिझेल टंचाईने (Fuel Shortage) हाहाकार उडविला आहे. परिणामी अनेक पंपावर ट्रॅक्टर व वाहनाच्या अद्याप रांगा कायम असून पंप चालक, ग्राहक तसेच पंप कर्मचारी यांच्यात वाद, हाणामारीच्या घटना वाढतच आहेत. या सगळ्यांना फाटा देत मेहकर ते चिखली मार्गावरील काठोळे या पंप चालकाने हे वाद, हाणामारी आणि गर्दी टाळण्यासाठी एक नामी शक्कल लढविली आहे. यात डिझेल भरण्यासाठी आलेले ग्राहकाला चक्क कूपन वाटप करणे सुरू केलं आहे. मागील चार पाच दिवसांपासून ही शक्कल लढवल्याने पंपावरील गर्दी कमी झाली. शिवाय वाद, हाणामारी यासारख्या घटनांना सुद्धा आळा बसलाय. (Petrol Diesel Shortage)
Petrol Diesel Shortage : दरदिवशी 200 कूपन, पंपावर गर्दी कमी अन् वाद, हाणामारी सारख्या घटनांना सुद्धा आळा
दरम्यान, कुपन दाखविल्यावरच ग्राहकांना डिझेल किंवा पेट्रोल मिळतंय. शिवाय दरदिवशी 200 कूपन वाटत असल्याने आलेल्या प्रत्येक ग्राहकांना डिझेल मिळत असल्याने त्यांचेही समाधान होत आहे. शिवाय या पंप चालकाचे सर्वत्र कौतुक होत असून याचा आदर्श इतरही लोकांना घ्यावा. असेच काहीसे चित्र आहे.
Dattatray Bharne : राज्यात पेट्रोल डिझेलचा मोठ्या प्रमाणावर साठा, भीती न बाळगता गर्दी करू नये
राज्यामध्ये पेट्रोल आणि डिझेलचा साठा मोठ्या प्रमाणावर आहे. त्यामुळे कुठल्याही अफवांवर विश्वास ठेवू नका. शेतकऱ्यांनी कुठल्याही प्रकारची घाई गडबड करू नये. ज्यावेळेस पेट्रोल डिझेल लागेल त्यावेळेसच घ्यावे. उगाच साठवणूक करू नये. असे आव्हान राज्याचे कृषिमंत्री दत्तात्रय भरणे यांनी पंढरपुरातून केले आहे. कृषिमंत्री दत्तात्रय भरणे हे पंढरपुरात विठ्ठल दर्शनासाठी आले होते. यावेळी त्यांनी माध्यमांशी संवाद साधला. तसेच राज्यात धो धो पाऊस पडू दे. हवामान खात्याचे अंदाज चुकीचे ठरून राज्यात समाधानकारक पाऊस पडावा, असे साकडे आपण विठुरायाला घातले असल्याचेही यावेळी भरणे यांनी सांगितले.
Jalgaon: पेट्रोल-डिझेलचा पुरेसा साठा उपलब्ध; नागरिकांनी अफवांवर विश्वास ठेवू नये, पोलीस अधीक्षकांचे आवाहन
Washim: वाशिम जिल्ह्यात सलग दहाव्या दिवशी इंधनाचा तुटवडा
वाशिम जिल्ह्यात सलग दहाव्या दिवशी इंधनाचा तुटवडा असल्याचे चित्र आहे. जिल्हाप्रशासन कडून 7.30 लाख लिटर इंधन साठा उपलब्ध असून साठेबाजी करू नका, अस आवाहन करत असताना डीझल नसल्याने शेतकऱ्यांना वाहनचालकांना भटकंती करण्याची वेळ आली आहे. दुसरीकडे, नंदुरबारच्या शहादा शहरात डिझेल भरण्यासाठी आलेल्या शेतकऱ्याला पेट्रोल पंप कर्मचाऱ्यांकडून मारहाण करण्यात आली आहे.
कॅश पेमेंट नसून ऑनलाईन पेमेंट असल्याच्या रागातनं पेट्रोल पंप कर्मचाऱ्यांकडून मारहाण करण्यात आली आहे. दरम्यान, यातील शेतकऱ्याला मारहाणीचा व्हिडिओ सोशल मीडियावर व्हायरल झाला आहे. शहादात इंधन टंचाईमुळे शेतकऱ्यांना इंधन घेण्यासाठी कसरत करावी लागत आहे. खरीप हंगामासाठी शेतकऱ्यांना डिझेल घेण्यासाठी भटकंती करावी लागत आहे.
आणखी वाचा
