Nagpur Crime News : नागपूरमध्ये एका खळबळजनक प्रकरणाचा उलगडा करण्यात नागपूर पोलिसांना (Nagpur Police) यश आले आहे. यात एका 14 वर्षाचा मुलाने आपल्याच अपहाणाराच बनाव केल्याचा धक्कादायक (Nagpur News) प्रकार पुढे आला होता. शाळेत जात असतांना तीन व्यक्तीने गाडीत ओढत आपले अपहरण केले. त्यानंतर अपहरणकर्ते एका धाब्यावर थांबले असता कारच्या डिक्कीतून मी पळ काढला आणि आपण अपहरकर्त्यांच्या तावडीतून सुटका करून घेतली, अशी कथा त्या 14 वर्षीय मुलाने पोलिसांना व घरच्यांना सांगितली.
मात्र, पोलिसांच्या मनात संशयाची पाल लुकलुकली आणि आणि अधिक तपासात केला असता काही वेगळेच धक्कदायक वास्तव पुढे आले. त्या मुलाचे अपहरण झाले नसून ‘ चकवा’ हि वेब सिरीजला बघून तो काल्पनिक साधूच्या शोधात स्वतः नागपूरवरून ट्रेन ने नर्मदापुरम येथे गेला असल्याचे खळबळजनक कारण समोर आलं आहे.
Nagpur News : … अन् घरच्यांना व पोलिसांना अपहरणाची खोटी कथा सादर केली
दरम्यान, यातील 14 वर्षीय मुलाला तो साधू नर्मदापूरम येथे न सापडल्याने तो घरी परत आला. घरच्यांनी पोलिसांना आधीच मुलगा बेपत्ता असल्याचे सांगितल्याने मग त्याने घरच्यांना व पोलिसांना अपहरणाची खोटी कथा सादर केली. मात्र पोलिसांच्या तपासात त्याचे पितळ उघडे पडले. असे तरी पोलीस यात आणखी खोलात जाऊन तपास करत असल्याचे पोलीस निरीक्षक रितेश आहेर यांनी सांगितले. मात्र या घटनेमुळे पोलिसांसह कुटुंभीय देखील आश्चर्य व्यक्त करत आहे. तर असल्या वेब सीरिजच्या आहारी न जाता केवळ मनोरंजन म्हणून त्याकडे बघण्याचे आवाहन करण्यात येत आहे.
Gondia : 3 वाहनांच्या भीषण अपघातात वृद्धाचा मृत्यू, तर एक जण गंभीर जखमी, गोंदियाच्या देवरी-चिचगड मार्गावरील घटना….
गोंदिया जिल्ह्यातील देवरी-चिचगड मार्गावरील सालई परिसरात ट्रक, पिकअप आणि दुचाकी यांच्यात अपघात होऊन एका वृद्धाचा दुर्दैवी मृत्यू, तर एक जण गंभीर जखमी झाल्याची घटना घडली. लक्ष्मणराव राऊत (रा. साखरीटोला, ता. आमगाव) यांचा उपचारासाठी रुग्णालयात नेत असताना मृत्यू झाला. तर महेश कावळे (वय 45, रा. रिसामा, ता. आमगाव) हे गंभीर जखमी झाले असून त्यांच्यावर उपचार सुरू आहेत. लक्ष्मणराव राऊत आणि महेश कावळे हे दुचाकीने देवरीहून चिचगडकडे जात होते. त्यांच्या पुढे ट्रक त्याच दिशेने जात होता. त्याचवेळी समोरून भरधाव वेगाने येणाऱ्या पिकअप चालकाचे वाहनावरील नियंत्रण सुटले. पिकअपने प्रथम ट्रकला जोरदार घासून पुढे जाऊन ट्रकच्या मागे असलेल्या दुचाकीला धडक दिली. या भीषण धडकेत दुचाकीवरील दोघेही रस्त्यावर फेकले गेले. अपघातात लक्ष्मणराव राऊत यांच्या डोक्याला व पायाला गंभीर दुखापत झाली. त्यांना तातडीने उपचारासाठी नेत असताना त्यांचा मृत्यू झाला.
इतर महत्वाच्या बातम्या
