IPL Playoff Rules : हरली तरी जिंकली RCB! आता फायनलमध्ये पोहोचणं झालं आणखी सोपं; प्लेऑफचं गणित पाहून चाहतेही थक्क

<p><strong>RCB vs GT Qualifier 1 IPL 2026 :</strong> आयपीएल 2026 च्या 67व्या सामन्यात सनरायझर्स हैदराबादने रॉयल चॅलेंजर्स बंगळुरूवर 55 धावांनी विजय मिळवला. मात्र, एवढ्या मोठ्या विजय असूनही हैदराबादला अपेक्षित फायदा झाला नाही. कारण आरसीबी पराभूत होऊनही टॉप-2 मध्ये आपले स्थान कायम राखण्यात यशस्वी ठरली. दोन्ही संघांनी याआधीच प्लेऑफमध्ये प्रवेश निश्चित केला होता, त्यामुळे ही लढत थेट टॉप-2 साठी होती.&nbsp;</p>
<p>लीग टप्प्यातील सर्व 14 सामने आता रॉयल चॅलेंजर्स बंगळुरू, गुजरात टायटन्स आणि सनरायझर्स हैदराबाद या तिन्ही संघांचे पूर्ण झाले आहेत. आरसीबी आणि गुजरातचे प्रत्येकी 18 गुण होते. त्यात एसआरएचनेही विजयासह 18 गुणांपर्यंत मजल मारली, पण नेट रनरेटमुळे त्यांना टॉप-2 मध्ये प्रवेश मिळवता आला नाही.</p>
<p><strong>आयपीएल 2026 प्लेऑफचे नियम</strong></p>
<p>सनरायझर्स हैदराबादला टॉप-2 मध्ये पोहोचण्यासाठी बंगळुरूला 160 धावांच्या आत रोखणे आवश्यक होते. मात्र 256 धावांच्या लक्ष्याचा पाठलाग करताना RCB ने 200 धावा केल्या आणि त्यामुळे त्यांचा नेट रनरेट फारसा घसरला नाही. बंगळुरूचा नेट रनरेट +0.783 इतका राहिला, तर गुजरात टायटन्स +0.695 नेट रनरेटसह दुसऱ्या स्थानावर कायम आहे. सनरायझर्स हैदराबादचा नेट रनरेट +0.524 राहिला आणि त्यांना तिसऱ्या स्थानावर समाधान मानावे लागले.</p>
<blockquote class="twitter-tweet">
<p dir="ltr" lang="en">Top 3️⃣ separated by the barest of margins 🫣<br /><br />One golden ticket remains. Who’s cashing in? 🎟️✨<a href="https://twitter.com/hashtag/TATAIPL?src=hash&amp;ref_src=twsrc%5Etfw">#TATAIPL</a> | <a href="https://twitter.com/hashtag/KhelBindaas?src=hash&amp;ref_src=twsrc%5Etfw">#KhelBindaas</a> <a href="https://t.co/dgGJSmaukg">pic.twitter.com/dgGJSmaukg</a></p>
&mdash; IndianPremierLeague (@IPL) <a href="https://twitter.com/IPL/status/2057904343043760417?ref_src=twsrc%5Etfw">May 22, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p>यामुळे आता क्वालिफायर-1 मध्ये रॉयल चॅलेंजर्स बंगळुरू आणि गुजरात टायटन्स आमनेसामने भिडणार आहेत. हा सामना 26 मे रोजी धर्मशाळा येथे खेळवला जाणार आहे. या दोन्ही संघांना अंतिम फेरी गाठण्यासाठी दोन संधी मिळणार आहेत. दरम्यान, सनरायझर्स हैदराबादला 27 मे रोजी एलिमिनेटर सामना खेळावा लागणार आहे. मात्र त्यांचा प्रतिस्पर्धी संघ अद्याप निश्चित झालेला नाही, कारण गुणतालिकेतील चौथ्या स्थानासाठी अजून चुरस कायम आहे.</p>
<blockquote class="twitter-tweet">
<p dir="ltr" lang="en">The race for that final spot is going right down to the wire 👀<a href="https://twitter.com/hashtag/TATAIPL?src=hash&amp;ref_src=twsrc%5Etfw">#TATAIPL</a> | <a href="https://twitter.com/hashtag/TheFinalLeap?src=hash&amp;ref_src=twsrc%5Etfw">#TheFinalLeap</a> <a href="https://t.co/9PrNy0rR9q">pic.twitter.com/9PrNy0rR9q</a></p>
&mdash; IndianPremierLeague (@IPL) <a href="https://twitter.com/IPL/status/2058125647021822284?ref_src=twsrc%5Etfw">May 23, 2026</a></blockquote>
<p>
<script src="https://platform.twitter.com/widgets.js" async="" charset="utf-8"></script>
</p>
<p>आयपीएल 2026 च्या प्लेऑफ फॉरमॅटनुसार, क्वालिफायर-1 जिंकणारा संघ थेट अंतिम फेरीत प्रवेश करेल. पराभूत संघाला क्वालिफायर-2 मधून पुन्हा एक संधी मिळेल. एलिमिनेटरमध्ये जिंकणारा संघ क्वालिफायर-2 मध्ये जाईल, तर पराभूत संघाचे स्पर्धेतील आव्हान संपेल. त्यानंतर क्वालिफायर-2 जिंकणारा संघ अंतिम फेरीतील दुसरा संघ ठरेल.</p>
<p><strong>हे ही वाचा -</strong></p>
<p><strong><a href="https://marathi.abplive.com/sports/cricket/kavya-maran-questions-krunal-pandya-bowling-action-says-chucking-video-viral-srh-vs-rcb-ipl-2026-marathi-news-1425182">Kavya Maran Viral Video : काव्या मारनचा LIVE सामन्यात संताप! कृणाल पांड्याच्या बॉलिंग ॲक्शनवर थेट गंभीर आरोप, नेमकं काय घडलं?, Video</a></strong></p>
<p><iframe title="YouTube video player" src="https://www.youtube.com/embed/a5B0FhXuLoY?si=S2k5Ib0e8rUNubMX" width="560" height="315" frameborder="0" allowfullscreen="allowfullscreen"></iframe></p>



Source link