Ind vs ZIM 1st T20 Team India Playing XI: भारताचा झिम्बाब्वे दौराला आजपासून (23 जुलै) पहिल्या टी-20 सामन्याने (Ind vs ZIM 1st T20) सुरू होईल. सायंकाळी 4.30 वाजता सामन्याला सुरुवात होईल. या मालिकेसाठी व्हीव्हीएस लक्ष्मण भारतीय संघाचे मुख्य प्रशिक्षक असतील. भारतीय संघ झिम्बाब्वेमध्ये दाखल झाला आहे. श्रेयस अय्यरच्या नेतृत्वाखालील भारतीय संघ तीन सामन्यांची टी-20 मालिका खेळणार आहे. या मालिकेत अनेक युवा खेळाडूंना संधी देण्यात आली आहे. भारत आणि झिम्बाब्वे यांच्यातील पहिला टी-20 हरारे स्पोर्ट्स क्लबमध्ये खेळला जाईल. दरम्यान, झिम्बाब्वेविरुद्धच्या पहिल्या टी-20 सामन्यासाठी टीम इंडियाची संभाव्य प्लेइंग इलेव्हन कशी असेल, याकडे सर्वांचं लक्ष लागलं आहे. (Team India)
Captains ready 🤝
Stage set in Harare 🏆Excitement building up ahead of the #ZIMvIND T20Is 🤩#TeamIndia pic.twitter.com/i8yg8JDoqC
— BCCI (@BCCI) July 22, 2026
अभिषेक शर्मा आणि वैभव सूर्यवंशी सलामीवीर- (Abhishek Sharma Vaibhav Sooryavanshi)
झिम्बाब्वेविरुद्धच्या पहिल्या टी-20 सामन्यात भारतासाठी अभिषेक शर्मा आणि वैभव सूर्यवंशी डावाची सुरुवात करतील. संघात प्रभसिमरन सिंगच्या रूपात आणखी एक सलामीवीर आहे, परंतु प्रभसिमरनला बेंचवर बसावे लागू शकते. पाचव्या क्रमांकापर्यंतचा फलंदाजीचा क्रम निश्चित झाला आहे, ज्यामध्ये यष्टीरक्षक-फलंदाज ईशान किशन तिसऱ्या क्रमांकावर, कर्णधार श्रेयस अय्यर चौथ्या क्रमांकावर आणि उपकर्णधार तिलक वर्मा पाचव्या क्रमांकावर असेल.
रिंकू सिंगला संधी मिळण्याची शक्यता कमी- (Rinku Singh Shivam Dube)
रिंकू सिंग या मालिकेसाठी भारतीय संघात परतला आहे, परंतु त्याला अंतिम अकरा खेळाडूंमध्ये स्थान मिळण्याची शक्यता कमी आहे. शिवम दुबे सहाव्या क्रमांकावर आणि सूर्यांश शेडगे सातव्या क्रमांकावर खेळण्याची शक्यता आहे. दोघेही गोलंदाजी करतात, त्यामुळे त्यांना संधी मिळण्याची अधिक शक्यता आहे.
रवी बिश्नोई मुख्य फिरकी गोलंदाज- (Ravi Bishnoi Ind vs Zim)
गोलंदाजीमध्ये, रवी बिश्नोई मुख्य फिरकी गोलंदाज असू शकतो. हर्ष दुबेचीही आठव्या क्रमांकावर निवड होण्याची शक्यता आहे. यामुळे भारताला फिरकी गोलंदाजीचे दोन पर्याय मिळतील. वेगवान गोलंदाजी विभागात, वेगवान गोलंदाज मयंक यादव प्रिन्स यादवसोबत खेळताना दिसू शकतो.
झिम्बाब्वेविरुद्धच्या पहिल्या T20I साठी भारताची संभाव्य प्लेइंग इलेव्हन- (Ind vs ZIM 1st T20 Team India Playing XI)
अभिषेक शर्मा, वैभव सूर्यवंशी, इशान किशन (यष्टीरक्षक), श्रेयस अय्यर (कर्णधार), तिलक वर्मा (उपकर्णधार), शिवम दुबे, सूर्यांश शेडगे, हर्ष दुबे, रवी बिश्नोई, प्रिन्स यादव, मयंक यादव.
झिम्बाब्वेविरुद्धच्या टी-20 मालिकेसाठी भारताचा संपूर्ण संघ: (Team India Squad vs ZIM)
अभिषेक शर्मा, इशान किशन (विकेटकीपर), तिलक वर्मा, श्रेयस अय्यर (कर्णधार), शिवम दुबे, रिंकू सिंग, सूर्यांश शेडगे, प्रिन्स यादव, यश ठाकूर, अशोक शर्मा, मयंक यादव, वैभव सूर्यवंशी, प्रभसिमरन सिंग, हर्ष दुबे, रवी बिन्नोई.
राज्यासह देश-विदेशातील महत्वाच्या घडामोडी, VIDEO:
संबंधित बातमी:
