Gold Rate Today : भू-राजकीय तणावामुळे सोन्यावर दबाव आला आहे. दिवसभर भाव स्थिर राहिल्यानंतर सकाळी सोन्याचे भाव पडण्याचा सिलसिला कायम असून आजही सोन्याची चमक फिकी पडली आहे. एवढंच नव्हे तर उद्योगांकडून मागणीबाबतच्या अनिश्चिततेमुळे चांदीवरही दबाव आला आणि त्यामुळे आज तिची चमकही कमी झाली आहे. एका दिवसाच्या स्थिरतेनंतर आज 3 जून रोजी सोन्याची चमक कमी झाली आहे. यापूर्वी 1 जून रोजी 10 ग्रॅमचं 24 कॅरेट सोने 820 रुपयांनी आणि 22 कॅरेट सोनं 750 रुपयांनी स्वस्त झालं होतं. आजच्या दराबद्दल बोलायचं झाल्यास, राजधानी दिल्लीत 10 ग्रॅम 24 कॅरेट सोन्याचे दर 10 रुपयांनी आणि 22 कॅरेट सोन्याचे दर देखील 10 रुपयांनी कमी झाले आहेत.
आणि चांदीबद्दल बोलायचं झालं तर सलग चार दिवसांच्या स्थिरतेनंतर आज दिल्लीत ती स्वस्त झाली आहे. आज चांदीच्या दरात प्रति किलो 100 रुपयांची घट झाली आहे. मात्र, चांदीबाबत एक महत्त्वाची बातमी अशी आहे की, सरकारने तिच्या आयातीचे नियम आणखी कडक केले आहेत. आता, काही विशिष्ट मार्गांनी चांदी आयात करण्यासाठी परकीय व्यापार महासंचालनालयाची (DGFT) परवानगी घेणे आवश्यक असेल. हा नियम 99.9 % किंवा त्याहून अधिक शुद्धता असलेल्या चांदीला लागू होतो. यामध्ये सोन्याचा किंवा प्लॅटिनमचा मुलामा दिलेल्या चांदीचाही समावेश आहे.
देशभरातील प्रमुख शहरातील सोन्याचे भाव किती ?
चांदीच्या किमतीतही घसरण
चांदीच्या किमतीबद्दल बोलायचं झाल्यास, सलग तीन दिवस स्थिर राहिल्यानंतर आज तिचा भाव खाली आला आहे. या तीन दिवसांच्या स्थिरतेपूर्वी, 29 मे रोजी चांदीचा भाव प्रति किलो 5000 रुपयांनी वाढला होता. आता, 3 जून रोजू मात्र दिल्लीत चांदीचा भाव प्रति किलो 100 रुपयांनी स्वस्त झाला असून चांदी 2, 79, 900 रुपयांना विकली जात आहे. इतर महत्त्वाच्या महानगरांमध्ये, म्हणजेच मुंबई आणि कोलकाता येथेही ती त्याच भावाने विकली जात आहे. पण चेन्नईमध्ये मात्र एक किलो चांदीचा भाव जास्त असून तो 2, 89, 900 रुपये आहे, म्हणजेच चार महानगरांपैकी चेन्नईमध्ये चांदी सर्वात महाग आहे.
