Garud Puran: कुटुंबात ‘मुलीचा जन्म’ फक्त योगायोग नाही, तर आई-वडिलांचे ‘हे’ कर्मही कारणीभूत! भगवान श्रीकृष्णाने अर्जुनाला सांगितले रहस्य, गरुडपुराण सांगते….

Garud Puran: मूल जन्माला येणं.. ही कोणत्याही आई-वडिलांसाठी अत्यंत आनंदाची बाब असते, प्रत्येकाच्या आयुष्यातील एक महत्त्वाचा क्षण असतो. तुम्ही अनेकदा ऐकले असेल की, कोणाला कन्यारत्न प्राप्त झाले की त्या कुटुंबाला सौभाग्यवान म्हटले जाते, आणि ज्याला मुलगा होतो त्याला नशीबवान समजले जाते.. गरुड पुराणानुसार, घरात एखाद्या मुलाचा जन्म होणे ही केवळ एक भौतिक घटना नाही, तर त्यामागे आत्म्याच्या कर्मांचा आणि भाग्याचा संयोग आहे. मुलींच्या जन्मासाठी देव कोणती घरे निवडतो, त्यामागे आई-वडिलांची कोणते कर्म असतात? गरुड पुराणात स्पष्ट सांगण्यात आले आहे.

आई-वडिलांच्या कोणत्या कर्मांमुळे मुलीचा जन्म होतो? भगवान श्रीकृष्ण म्हणतात…(Garud Puran)

गरुड पुराणात वर्णन केलेल्या कथेनुसार, एकदा भगवान श्रीकृष्ण आणि अर्जुन संवाद साधत होते. अर्जुनाने विचारले, “हे माधवा, आई-वडिलांच्या कोणत्या कर्मांमुळे मुलीचा जन्म होतो?” भगवान श्रीकृष्णांनी उत्तर दिले की, जर मुलगा जन्माला आला तर ते त्यांचे भाग्य आहे, पण जर मुलगी जन्माला आली तर ते त्यांचे सौभाग्य आहे. ज्या घरात पवित्रता आणि प्रेम असते, तिथेच मुलीचा जन्म होतो.

देवी लक्ष्मीच्या आगमनाचे प्रतीक, गरुडपुराण म्हटलंय…

गरुड पुराणानुसार, असे म्हटले जाते की केवळ त्याच आई-वडिलांना मुली होतात, ज्यांनी मागील जन्मात चांगली कर्मे केली आहेत. मुलीचा जन्म हे देवी लक्ष्मीच्या आगमनाचे प्रतीक मानले जाते. त्यामुळे, मुलीचा जन्म जीवनातील अंधकार दूर करतो. मुलगी ही साक्षात देवी लक्ष्मीचेच एक रूप आहे, जी घरात समृद्धी आणि आनंद घेऊन येते.

देव केवळ त्यांनाच मुलींचे धन देतो….

गरुड पुराणानुसार, कधीकधी, श्रीमंत असूनही, काही लोक आपल्या मुलींचे योग्य संगोपन करण्यात अयशस्वी ठरतात, तर काही जण गरीब असूनही, त्यांचे मोठ्या प्रेमाने लाड करतात. म्हणून, देव केवळ त्यांनाच मुलींचे धन देतो जे त्यांचे योग्य संगोपन करू शकतात. दरम्यान, भगवान श्रीकृष्ण अर्जुनाला सांगतात की, एखाद्या स्त्री किंवा पुरुषाला त्यांच्या मागील जन्मातील चांगल्या कर्मांमुळेच मुलीचे वरदान मिळते.

हेही वाचा