MS Dhoni Scam IPL 2026 : पाच वेळच्या चॅम्पियन चेन्नई सुपर किंग्सचा (CSK) आयपीएल 2026 मधील प्रवास अत्यंत निराशाजनक पद्धतीने संपला आहे. अहमदाबादच्या नरेंद्र मोदी स्टेडियमवर गुरुवारी झालेल्या अत्यंत महत्त्वाच्या सामन्यात गुजरात टायटन्सने (GT) चेन्नईचा 89 धावांनी धुव्वा उडवला. हा चेन्नई सुपर किंग्सच्या आयपीएल इतिहासातील लाजिरवाणा पराभव ठरला आहे. या पराभवासह चेन्नईचे प्ले-ऑफमध्ये पोहोचण्याचे स्वप्न धुळीस मिळाले असून ते या स्पर्धेतून अधिकृतपणे बाहेर पडले आहेत.
दरम्यान, माजी भारतीय क्रिकेटपटू कृष्णमाचारी श्रीकांत (Krishnamachari Srikkanth) यांनी चेन्नई सुपर किंग्स व्यवस्थापनावर जोरदार निशाणा साधला आहे. कर्णधार ऋतुराज गायकवाड, प्रशिक्षक स्टीफन फ्लेमिंग आणि फ्रँचायझी व्यवस्थापनाने संपूर्ण हंगामभर एम एस धोनी यांच्या पुनरागमनाबाबत चाहत्यांची दिशाभूल केल्याचा आरोप त्यांनी केला.
एमएस धोनी स्कॅमची सध्या जोरदार चर्चेत
सोशल मीडियावर ‘एमएस धोनी स्कॅम’ हा विषय सध्या जोरदार चर्चेत आहे. धोनीच्या पुनरागमनाचे वारंवार संकेत देत चाहत्यांच्या भावना भडकवल्या गेल्या, असा आरोप या चर्चेत केला जात आहे. श्रीकांत यांनीही याच मुद्द्यावर बोलताना सांगितले की, व्यवस्थापन सतत धोनीच्या ट्रेनिंगचे व्हिडिओ आणि फोटो शेअर करत राहिले, ज्यामुळे चाहत्यांना तो पुन्हा मैदानात उतरणार असल्याची आशा कायम ठेवली गेली.
“They’ll fool fans with some video of him in the nets” – Kris Srikkanth slams CSK on scam with fans for MS Dhoni 👀🤯
Kris Srikkanth said 🗣️,
“They kept saying he’ll be ready for the next match. After that, they’ll fool fans with some video of him in the nets. Then they kept… pic.twitter.com/seArgs5hEN
— Cricket Central (@CricketCentrl) May 22, 2026
दिग्गजाच्या आरोपांनी क्रिकेटविश्व हादरलं
आपल्या यूट्यूब चॅनलवर बोलताना श्रीकांत म्हणाले, “हंगाम सुरू होण्यापूर्वी धोनीच्या पायाला दुखापत असल्याचे सांगण्यात आले आणि तो लवकरच परत येईल, अशी माहिती देण्यात आली. ऋतुराज गायकवाड आणि स्टीफन फ्लेमिंग देखील प्रत्येक वेळी एकच गोष्ट सांगत होते की, धोनी पुढच्या सामन्यात उपलब्ध असू शकतो. प्रत्येक सामन्याआधी ट्रेनिंगचा व्हिडिओ टाकला जायचा, ज्यामुळे चाहत्यांना तो फिट असल्याचे वाटत होते.”
🚨 KRIS SRIKANTH ANGRY ON CSK MANNAGMENT & CSK PATHETIC PERFORMANCE 🚨
Kris Srikanth Said 🗣️,
“In my opinion, Chennai Super Kings had a completely wrong team selection this year. You can never become champions with only young players. To win championships, you need a… pic.twitter.com/JN0HUgcygN
— lndian Sports Netwrk (@IS_Netwrk29) May 22, 2026
गेल्या गुरुवारी गुजरात टायटन्सविरुद्धच्या सामन्यात चेन्नई सुपर किंग्सचा पराभव झाला. त्या सामन्यानंतर ऋतुराज गायकवाड यांना धोनीच्या भवितव्याबद्दल प्रश्न विचारण्यात आला. त्यावर त्यांनी, “धोनी पुढच्या हंगामात खेळणार की नाही, हे पुढच्या वर्षीच कळेल,” असे उत्तर दिले. या वक्तव्यावरही श्रीकांत संतापले.
सीएसके व्यवस्थापनावर टीका करताना श्रीकांत म्हणाले, “जर धोनी संपूर्ण हंगाम खेळणार नव्हते, तर ते आधीच स्पष्ट सांगायला हवे होते. चाहत्यांना खोटी आशा दाखवणे बंद केले पाहिजे. सत्य आधी सांगितले असते, तर चाहते मानसिकदृष्ट्या त्यासाठी तयार झाले असते.”
हे ही वाचा –
आणखी वाचा
