IRGC Plot to Assassinate Trump Daughter: अमेरिकेचे राष्ट्राध्यक्ष डोनाल्ड ट्रम्प यांची मुलगी, इव्हांका ट्रम्प यांना जीवे मारण्याची धमकी मिळाल्याचे वृत्त आहे. ‘द न्यूयॉर्क पोस्ट’च्या वृत्तानुसार, इराणच्या इस्लामिक रिव्होल्यूशनरी गार्ड कॉर्प्स (IRGC) शी संबंधित एका दहशतवाद्याने इव्हांकाला लक्ष्य करण्याची योजना आखली होती. एफबीआयने (FBI) 32 वर्षीय इराकी नागरिक मोहम्मद बाकेर साद दाऊद अल-सादी याला अटक केली आहे, ज्याच्यावर इव्हांकाची हत्या करण्याची शपथ घेतल्याचा आरोप आहे.
फ्लोरिडा परिसराचा नकाशा पोस्ट केला
संशयिताकडे फ्लोरिडामधील इव्हांका आणि तिचा पती, जेरेड कुशनर यांच्या घराचे ब्लूप्रिंट्स (नकाशे) देखील सापडले आहेत. त्याने ‘एक्स’ (X) या सोशल मीडिया प्लॅटफॉर्मवर फ्लोरिडा परिसराचा नकाशा पोस्ट केला, जिथे इव्हांका आणि जारेड यांचे अंदाजे 24 दशलक्ष डॉलर्स किमतीचे घर आहे. त्याने सोशल मीडियावर धमकी दिली, “अमेरिकन लोकांनी हे समजून घेतले पाहिजे की केवळ कडक सुरक्षा आणि सिक्रेट सर्व्हिस त्यांचे संरक्षण करू शकणार नाही. आम्ही त्यांच्यावर नजर ठेवून आहोत आणि योग्य वेळ आल्यावर आम्ही सूड घेऊ.”
आरोपी हिजबुल्लाहचा सदस्य
ट्रम्प यांची मुलगी इव्हांका हिच्या हत्येचा कथित सूत्रधार मोहम्मद बाकेर साद दाऊद अल-सादी हा 32 वर्षीय इराकी नागरिक आहे. तो कताइब हिजबुल्लाह या संघटनेचा एक वरिष्ठ सदस्य आहे. कताइब हिजबुल्लाह ही एक दहशतवादी संघटना असून, तिला अमेरिकेने परदेशी दहशतवादी संघटना म्हणून घोषित केले आहे. अमेरिकन अधिकाऱ्यांच्या मते, अल-सादीवर युरोपमधील अमेरिकेशी संबंधित लक्ष्यांवर आणि व्यक्तींवर हल्ले केल्याचा आरोप आहे. अमेरिकेच्या राष्ट्रीय सुरक्षा विभागाचे सहाय्यक ॲटर्नी जनरल जॉन ए. आयझेनबर्ग यांच्या मते, अल-सादीने केवळ तीन महिन्यांत युरोपमध्ये 18 दहशतवादी हल्ल्यांचा कट रचला आणि त्याचे नेतृत्व केले. अहवालांनुसार, अल-सादी न्यूयॉर्क, कॅलिफोर्निया आणि ॲरिझोना येथे हल्ले करण्याच्या योजनांवरही चर्चा करत होता. त्याच्यावर अमेरिकेविरुद्ध एका मोठ्या सूडाच्या हल्ल्याची तयारी केल्याचा आरोप आहे.
अमेरिका अतिशयोक्ती करत आहे
दरम्यान, रशियाचे वरिष्ठ अधिकारी मिखाईल उल्यानोव्ह यांनी म्हटले आहे की, अमेरिका आणि इराण यांच्यात सुरू असलेल्या वाटाघाटींची खरी परिस्थिती इराण अधिक अचूकपणे सांगत आहे. त्यांनी म्हटले की, वाटाघाटींमध्ये अमेरिका ज्या घडामोडी दाखवत आहे, त्या तुलनेत जमिनीवरील परिस्थिती तितकी चांगली नाही. रशियन अधिकाऱ्याने सोशल मीडियावर लिहिले की, इराण जे सांगत आहे ते सध्याच्या परिस्थितीच्या अधिक जवळ आहे. अमेरिका यावेळी अतिशयोक्ती करत आहे आणि त्यांची वृत्ती फारशी जबाबदार वाटत नाही.
इतर महत्वाच्या बातम्या
आणखी वाचा
