Chandrapur: ‘माझ्या जिवाला पोलीस जबाबदार’, पोलीस स्टेशनमध्ये पोहोचून दिलीपने उचललं टोकाचं पाऊल, चंद्रपूर हादरलं | महाराष्ट्र बातम्या

दिलीप यादवने या व्हिडीओमध्ये पोलिसांवर आरोप केला आहे.  “माझी कुठलीही चूक नसताना मला ठाण्याच्या पथकातील काही कर्मचाऱ्यांनी त्रास देत आहे. जर माझ्यावर काही कारवाई झाली, माझ्या जीवाचं काही बरं वाईट झालं तर पोलीस याला जबाबदार असतील, असं दिलीपने व्हिडीओमध्ये म्हटलं आहे.

चार दिवसांपूर्वी शहरातील बाबूपेठ परिसरात गांजा विक्री प्रकरणी शहर पोलिसांनी धाड टाकली होती. या धाडीतील आरोपीने दिलीप यादव बाबत माहिती दिली होती. त्यावरून दिलीप यादव याला पोलिसांनी चौकशीसाठी बोलवलं होतं. मात्र आज शुक्रवारी दिलीप यादव हा पोलीस स्टेशनमध्ये पोहोचला आणि त्याने विष प्राशन केलं. पोलिसांनी तातडीने त्याला शासकीय रुग्णालयात दाखल केलं. पण, उपचारादरम्यान त्याचा मृत्यू झाला. या प्रकरणी पोलीस तपास सुरू आहे. दरम्यान, मयत दिलीप यादवचा भाऊ अनुप यादव याने मात्र वसुलीच्या छळानंतर आत्महत्या केल्याचं सांगत दोषींवर कारवाईची मागणी केली आहे.