Aadesh Bandekar to do comeback: मराठी मनोरंजन विश्वात आजही असे काही कार्यक्रम आहेत जे प्रेक्षकांच्या मनात घर करून आहेत. असाच एक कार्यक्रम म्हणजे ‘होम मिनिस्टर’.
मराठी प्रेक्षकांच्या मनावर अनेक वर्ष अधिराज्य गाजवणारे लाडके ‘भावोजी’ अर्थात आदेश बांदेकर पुन्हा एकदा छोट्या पडद्यावर दिसणार का, याबाबत सध्या मनोरंजनविश्वात चर्चा रंगताना दिसत आहे. नुकत्याच पार पडलेल्या आंबा महोत्सवादरम्यान झी मराठीच्या आगामी कार्यक्रमासंदर्भात झी मराठीच्या प्रोग्रामिंग हेड कल्याणी पाठारे यांनी ‘दार उघड बये म्हणत भावोजी येणार की आणखी कोणी?’ असं म्हणत नवीन कार्यक्रमाचे संकेत दिले. त्यानंतर चर्चेला आणखी वेग आला आहे.
‘होम मिनिस्टर’ हा कार्यक्रम लवकरच पुन्हा भेटीला
मिळालेल्या माहितीनुसार, ‘होम मिनिस्टर‘ हा कार्यक्रम लवकरच पुन्हा येणार असल्याचं बोललं जातंय. या कार्यक्रमाशी संबंधित चर्चेमध्ये प्रेक्षकांच्या लाडक्या भावोर्जीचं म्हणजेच आदेश बांदेकर यांचं नावही समोर येत आहे. मात्र, याबाबत वाहिनीकडून अद्याप कोणतीही अधिकृत भूमिका जाहीर करण्यात आलेली नाही. त्यामुळे नेमकं काय असणार, याबद्दल उत्सुकता कायम आहे.
Sai Tamhankar: ‘काय परिधान करावं आणि काय नाही; हा ज्याचा-त्याचा प्रश्न’, प्राजक्ता माळीच्या कान्स लुकवर स्पष्टच बोलली सई ताम्हणकर
दोन वर्षांपूर्वी ‘मुंटा’नं ‘होम मिनिस्टर’ हा कार्यक्रम पुन्हा येणार असल्याची बातमी प्रसिद्ध केली होती. आता पुन्हा एकदा हा कार्यक्रम येणार असल्याची चर्चा रंगू लागली आहे. सूत्रांच्या माहितीनुसार, हा कार्यक्रम पूर्वीच्या लोकप्रिय शैलीची आठवण करून देणारा असू शकतो. ‘होम मिनिस्टर’च्या सुरुवातीच्या काळात ज्या सहज, साध्या आणि घराघरांत आपलेपणा निर्माण करणाऱ्या शैलीनं प्रेक्षकांची मनं जिंकली होती, त्याच धाटणीची झलक या कार्यक्रमात पाहायला मिळण्याची शक्यता आहे.घरातील सदस्यांशी साधेपणानं संवाद साधणारे, त्यांच्यात मिसळून जाणारे आणि सामान्य माणसांच्या भावना जवळून मांडणारे भावोजी पुन्हा पाहायला मिळतील का, अशी उत्सुकता चाहत्यांमध्ये आहे.
९७ वर्षीय फॅनला भेटण्यासाठी आदेश भावोजी पोहोचले सांगलीला !
दरम्यान, या कार्यक्रमाचा फॉरमॅट, प्रसारणाची तारीख किंवा वेळ याबाबत अद्याप कोणतीही अधिकृत माहिती समोर आलेली नाही. ऑगस्टच्या सुमारास कार्यक्रमाविषयी काही घोषणा होण्याची शक्यता वर्तवली जात आहे. मात्र, या कार्यक्रमाविषयी अधिक माहिती घेण्यासाठी झी मराठीच्या प्रोग्रामिंग हेड कल्याणी पाठारे यांच्याशी संपर्क होऊ शकला नाही. तसंच यासंदर्भात आदेश बांदेकर यांच्याशीदेखील संपर्क साधला होता, परंतु ते एका कार्यक्रमाच्या परदेश दौऱ्यावर असल्यामुळे त्यांच्याशी बोलणं होऊ शकलं नाही.
लेखकाबद्दलभाग्यश्री रसाळ“भाग्यश्री चंद्रकांत रसाळ, महाराष्ट्र टाइम्स ऑनलाइनमध्ये प्रिन्सिपल डिजिटल कंटेंट प्रोड्युसर या पदावर कार्यरत आहे. दोन महिन्यांसाठी इंटर्न म्हणून इथे सुरू झालेला हा त्यांचा प्रवास हा प्रिन्सिपल डिजिटल कंटेंट प्रोड्युसर या पदापर्यंत पोहोचला आहे. या नऊ वर्षांच्या करिअरमध्ये त्यांनी कॉपी एडिटर, सिनिअर कॉपी एडिटर, डिजिटल कंटेंट प्रोड्युसर, सिनिअर डिजिटल कंटेंट प्रोड्युसर या वेगवेगळ्या पदांवर केले.
जनरल बातम्यांसोबत त्यांचा सुरू झालेला हा प्रवास लाइफस्टाइल, ऑटो, टेक अशा बातम्यांसोबत आता मनोरंजन क्षेत्रातल्या बातम्यांपर्यंत आला आहे. डिजिटल प्लॅटफॉर्मवर वाचकांची नस ओळखून आशय म्हणजेच कंटेंट तयार करण्यात हातखंडा आहे.
गेल्या तीन वर्षापासून मनोरंजन टीम हाताळताना या क्षेत्रातल्या बऱ्याच गोष्टी त्यांना नव्याने शिकता आल्या. तसेच टीममधील इतरांसोबत ते अनुभव शेअर करता आले. या अनुभवांच्या जोरावर काम करतना त्यातून सर्वोत्तम निकालही त्यांना मिळवता आला. डिजिटल क्षेत्रात काम करताना प्रेक्षकांची दिशाभूल न करता पेज व्ह्यूज, युझर्सच्या स्पर्धेतही टिकून राहत राहण्यात त्यांचं विशेष कौशल्य आहे. या क्षेत्रातील नवनवीन गोष्टी, रंजकपणे वाचकांना समजेल अशा सोप्या भाषेत पोहोचवण्यासीठी त्या प्रयत्नशील असतात. त्यांनी सिनेइंडस्ट्रीतल्या फिल्मफेअर, मटा सन्मान यांसारख्या मानाच्या पुरस्कार सोहळ्यांचे लाइव्ह डिजिटल वार्तांकन केले आहे.
विविध विषयांवरच्या बातम्यांच्या लिखाणासोबतच सोशल मिडिया सांभाळण्याचा अनुभव.डिजिटल दिवाळी अंक, महिला दिन विशेष कव्हरेजमध्ये सहभाग. केंद्रीय अर्थसंकल्प, सेलिब्रिटींचे निधन अशा काळत सोशल मीडिया एकहाती हाताळण्याचा अनुभव. कामाची घेत दखल संस्थेअंतर्गतील वेगवेगळ्या तीन पुरस्कारांनी गौरव. काम करत असतानाच संस्थेअंतर्गत काही कौशल्य कोर्सेसही पूर्ण केले. यात फोटो शॉपसह इतक सॉफ्टवेअर शिकण्याची संधी मिळाली.त्यांनी केवळ मनोरंजनच नव्हे, तर ‘आईपणाचं डिप्रेशन’ (Postpartum Depression) यांसारख्या गंभीर आणि संवेदनशील सामाजिक विषयांवरही ब्लॉग लेखन केलं, ज्याला वाचकांचा मोठा प्रतिसाद मिळाला होता.
पुरस्कार आणि गौरव
त्यांच्या कामाची दखल घेऊन त्यांना आतापर्यंत संस्थेअंतर्गत तीन पुरस्कारांनी गौरवण्यात आले आहे.
शैक्षणिक पात्रता
SNDT विद्यापिठातून बॅचलर ऑफ मास मिडिया पूर्ण केले आहे. या काळात मनोरंजन क्षेत्राशी जवळून ओळख झाली. आणि नंतर मुंबई विद्यापिठातून पत्रकारिता विषयात पदव्युत्तर पदवी संपादन केली.
आजच्या काळात जेव्हा माहितीचा ओघ प्रचंड आहे, तेव्हा विश्वासार्ह आणि रंजक माहिती देण्याचे काम भाग्यश्री रसाळ पार पाडत आहेत.… आणखी वाचा
