पाकिस्तानचा मध्यरात्री अफगाणिस्तानवर पुन्हा एअर स्ट्राइक; 35 जणांचा जागीच मृत्यू | विदेश बातम्या

पाकिस्तानचे माहिती मंत्री अत्ताउल्लाह तरार यांनी दिलेल्या माहितीनुसार, हा हल्ला म्हणजे देशातील वाढत्या दहशतवादी कारवायांना दिलेले चोख उत्तर आहे. पाकिस्तानने ही कारवाई दोन टप्प्यात केली. खैबर पख्तूनख्वा प्रांतातील बाजौर जिल्ह्यात गुप्त माहितीच्या आधारे धाड टाकण्यात आली. यात ‘खान फरोश’ या कुख्यात कमांडरसह ४ दहशतवादी ठार झाले. त्यानंतर पाकिस्तानच्या फायटर जेट्सनी थेट अफगाणिस्तानची सीमा ओलांडली. अफगाणिस्तानच्या पक्तिया, पक्तिका आणि कुनार प्रांतात लपलेल्या टीटीपी आणि जमात-उल-अहरारच्या तीन मोठ्या तळांना टार्गेट करण्यात आले. या एअरस्ट्राइकमध्ये २५ दहशतवादी जागेवरच ढेर झाले, तर त्यांचा मोठा दारूगोळा नष्ट करण्यात आला.

गेल्या काही वर्षांत पाकिस्तानात तिथल्याच पोलिसांवर आणि सैनिकांवर होणारे हल्ले कमालीचे वाढले आहेत. तहरीक-ए-तालिबान पाकिस्तान ही संघटना अफगाणिस्तानच्या भूमीचा वापर करून पाकिस्तानात रक्तापात घडवत आहे आणि तिथली तालिबान सरकार त्यांना राजाश्रय देत आहे,” असा थेट आरोप पाकिस्तान करत आहे. अर्थात, अफगाणिस्तानच्या तालिबान सरकारने नेहमीप्रमाणे हे आरोप फेटाळून लावले आहेत.