Raj Thackeray on Jain community मुंबई: राजकीय पक्षांच्या नादी लागून माथी भडकावू नका. आमची डोकी भडकली तर केवढं होईल? असे म्हणत मनसे प्रमुख राज ठाकरे (Raj Thackeray) यांनी जैन धर्मियांना (Jain community) तंबी देत सल्ला दिला आहे. गेल्या काही दिवसांपासून मुंबईसह इतरत्र सोसायटीमध्ये मारण्यात आलेल्या पांढऱ्या पट्टीचा (Jain White Line Controversy) मुद्यांवरून राज ठाकरेंनी जैन धर्मियांना इशारा दिला आहे. तुमच्याकडे कोणी येत असेल तर कार्पेट टाका, ते निघून गेले की काढून टाका. तुम्ही पांढरे पट्टे मारत आहात. विनाकारण वाद निर्माण करत आहात. इतकी वर्ष लोक इथे राहतात. पूर्वीपासून गुजराती लोक इथे राहत आहेत, मात्र आत्ताच गेले दहा ते बारा वर्षात हे कधी सुरू झालं, असं सवाल ही राज ठाकरेंनी उपस्थित केलाय. (Raj Thackeray on Jain Community)
Raj Thackeray on Jain Community : व्यापारी लोक आहात, व्यापार करा, शांततेत राहा
तुम्हाला काय वाटतं की वर दोन गुजराती बसले आहेत, काहीही करू? हवं तर कापड टाका, पांढरे पट्टे कसले मारतायत? समोरच्यांच्या गोष्टी समजून घ्या. व्यापारी लोक आहात, व्यापार करा. शांततेत राहा, असा सल्ला देखील राज ठाकरेंनी जैन धर्मीयांना दिला आहे. आजपर्यंत कोणी अडवले आहे का? जैन पंथाचे मुनी माझ्या घरी येऊन गेले. तुमच्या समाजातील लोकांना समजून सांगा, असेही राज ठाकरे यावेळी म्हणाले.
Raj Thackeray : शेवटचं सांगतोय, कामाला लागा, माझ्याकडे रिपोर्ट आल्यानंतर माझ्याकडे येऊ नका
दुसरीकडे, राज ठाकरेंनी मनसे पदाधिका-यांचे कान टोचले असून 29 जून पर्यंतचा अल्टिमेटम दिला आहे. एसआयआर संदर्भातील कामाला वेग द्या, घरात बसुन राहू नका. अशा कडक शब्दात राज ठाकरें पदाधिका-यांना सूचना दिल्या आहेत. शेवटचं सांगतोय, कामाला लागा. माझ्याकडे रिपोर्ट आल्यानंतर पदावरुन हटवलं तर माझ्याकडे येऊ नका, असेही राज ठाकरे म्हणालेत.
एकच गोष्ट वारंवार कितीवेळा सांगायचे? वेळ कमी आहे घरातल्यांनाही कामाला लावा. असे म्हणत राज ठाकरेंनी मनसेच्या विभागाध्यक्षांचेही कान टोचलेत. विभागअध्यक्ष तुम्ही ढिम्म बसून राहु नका, पायाला भिंगरी लावून फिरा असेही ते म्हणाले. मुंबईत मनसेच्या बिएलएची नेमणूक करा. मुंबई शहरात 3000 तर उपनगरात 8000 बिएलए हवेत. मनसेच्या बिएलएची नोंदणी संख्या फक्त 997 इतकीच आहे. 29 जूनपर्यंत अल्टिमेटम देतोय कामाला लागा. असेही राज ठाकरे म्हणाले.
इतर महत्वाच्या बातम्या
Ketan Agarwal Case Pune :मुलीच्या कृत्याने सियाचे आई-वडील हादरले, म्हणाले; दोषी असेल तर माझ्या मुलीलाही लोहगडावरुन ढकलून द्या!
