वैभव सूर्यवंशीला मिळालं मोठं सरप्राईज
IND vs IRE T20 Series, Vaibhav Sooryavanshi : भारतीय संघ लंडनमार्गे आयर्लंडमधील बेलफास्टला रवाना होणार असून, तिथे 26 जून रोजी पहिला टी-20 सामना रंगणार आहे. टीम इंडियाचा नामवंत खेळाडू वैभव सूर्यवंशीय सध्या चर्चेच्या केंद्रस्थानी आहे. या दौऱ्यावर जाण्यापूर्वी, वैभव सूर्यवंशीला ‘3’ क्रमांक असलेली सीनियर भारतीय संघाची जर्सी देण्यात आली. संघाच्या हॉटेलमधील खोलीत ज्या व्यक्तीने त्याला ती जर्सी दिली, त्या व्यक्तीसमोर वैभवने आदराने वक नतमस्तक होऊन अभिवादन केले. जर्सी मिळाल्यावर वैभवच्या चेहऱ्यावरचा आनंद अगदी पाहण्यासारखा होता.
वैभवला कोणी दिली टीम इंडियाची डर्सी ?
वैभव सूर्यवंशीला ‘टीम इंडिया’ची जर्सी मिळाली, तो क्षण बीसीसीआयने (BCCI) रेकॉर्ड करत आणि शेअर केला आहे. भारतीय संघाचे ‘थ्रो-डाऊन स्पेशालिस्ट’ असलेल्या रघु यांनी ही जर्सी वैभवच्या हॉटेलच्या खोलीत आणून दिली. जर्सी स्वीकारण्यापूर्वी वैभवने सर्वात पहिले आदराने रघु यांना नमस्कार केला. टीम इंडियाची जर्सी हातात आल्यावर तो बराच वेळ तिच्याकडे एकटक पाहत होता. अत्यंत आनंदी झालेल्या वैभवच्या तोंडातून काही शब्दचं फुटत नव्हते, काय बोलावं, आनंदाच्या भरात कस रिॲक्ट व्हावं हे त्याला सुचत नव्हतं. त्या जर्सीमुळे त्याचं स्वप्न साकार झाल्याची त्याला जाणीव झाली. त्याच्या चेहऱयावरचा आनंद. समाधना पाहून सगळेच भारावले. हा क्षण अगदी पाहण्यासारखा होता.
Ladies & Gentlemen
The moment the nation has been waiting for has arrived!
Vaibhav Sooryavanshi in #TeamIndia jersey. Witness this incredibly special moment ❤️ pic.twitter.com/sUUytFMPVw
— BCCI (@BCCI) June 23, 2026
टीम इंडियाची जर्सी मिळाल्यावर काय म्हणाला वैभव ?
‘टीम इंडिया’ची जर्सी मिळाल्यावर वैभव सूर्यवंशीने पहिली प्रतिक्रिया दिली. ज्या क्षणासाठी आपण हातात बॅट धरली होती, तोच हा क्षण आहे, असं तो भावूक होऊन म्हणाला. . त्याने याला आपल्या आयुष्यातील एक अत्यंत महत्त्वाचा टप्पा असल्याचे म्हटलं. आता काय बोलावं हेच सुचत नाहीये, जर्सी मिळाल्याबद्दल आनंद व्यक्त करताना असं वैभव म्हणाला की. कधीकधी अशा काही घटना घडतात ज्यांवर त्वरित प्रतिक्रिया देणे कठीण असते; आपली अवस्थाही अगदी तशीच होती—आपला आनंद कसा व्यक्त करावा, हेच त्याला समजत नव्हते. असंही तो म्हणाले.
26 जून रोजी भारताचा आयर्लंड दौरा सुरू होणार असून या दौऱ्यात टी20 सीरिज खेळवण्यात येणार आहे. यातील दोन्ही सामने बेलफास्टमध्येच होतील.
