Amitabh Bachchan Career : अमिताभ बच्चन यांना बॉलिवूडचं महानायक म्हटलं जातं. कारण त्यांनी एकापेक्षा एक सुपरहिट चित्रपट दिलेत. ते चित्रपट, त्यांच्या भूमिका प्रेक्षक कधीच विसरु शकत नाहीत. पण त्यांच्या करिअरमध्ये अशीही एक वेळ आलेली जेव्हा एका चित्रपटाच्या अपयशाने त्यांच्या स्टारडमवर प्रश्नचिन्ह निर्माण केलेलं. पण इंटरेस्टिंग गोष्ट अशी आहे की, या चित्रपटाच्या अपयशानंतर चार महिन्यांनी अभिषेकचा जन्म झाला. त्यानंतर अमिताभच्या करिअरने असा वेग पकडला की, त्यांनी हिट चित्रपटांची रांगच लावली.
वर्ष 1975 अमिताभ यांच्या करिअरसाठी खूप खास ठरलं. ‘दीवार’, ‘शोले’ आणि ‘चुपके चुपके’ सारख्या चित्रपटांनी अमिताभ यांना इंडस्ट्रीतील सर्वात मोठं स्टार बनवलं. त्याचवर्षी आलेला त्यांचा ‘फरार’ चित्रपट बॉक्स ऑफिसवर फार चालला नव्हता. 11 नोव्हेंबर 1975 साली रिलीज झालेला हा चित्रपट प्रेक्षकांना चित्रपट गृहापर्यंत खेचून आणू शकला नाही. अमिताभच्या करिअरमधील हा एक कमजोर चित्रपट मानला जातो. या फिल्मला डिजास्टरचा टॅग मिळाला.
त्यानंतर अमिताभ यांनी कधी मागे वळून बघितलं नाही
पण त्यांच्या नशिबात काही वेगळच होतं. 5 फेब्रुवारी 1976 रोजी अमिताभ आणि जया बच्चन यांच्या घरी अभिषेक बच्चनचं आगमन झालं. मुलगा झाल्याचा आनंद कुटुंबात होताच. पण अमिताभ यांच्या करिअरने सुद्धा एक नवीन झेप घेतली. अभिषेकच्या जन्मानंतर काही आठवड्यांनी 27 फेब्रुवारी 1976 रोजी अमिताभ यांचा ‘कभी कभी’ चित्रपट रिलीज झाला. यश चोपडा यांच्या दिग्दर्शनाखाली बनलेला हा मल्टीस्टारर चित्रपट हिट ठरला. प्रेक्षकांचं भरपूर प्रेम या चित्रपटाला मिळालं. या वर्षात अमिताभने अनेक हिट चित्रपट दिले. त्यानंतर अमिताभ यांनी कधी मागे वळून बघितलं नाही.
ते सुपरस्टारवरुन मेगास्टार बनले
‘कभी कभी’ नंतर अमिताभ बच्चन यांचे हेरा फेरी, दो अनजाने, अदालत हे चित्रपट रिलीज झाले. तिन्ही चित्रपटांनी बॉक्स ऑफिसवर कमालीच परफॉर्म केलं. अमिताभच्या चित्रपटांनी फक्त चांगल परफॉर्मच केलं नाही, तर बरेच चित्रपट ब्लॉकबस्टर ठरले. 1977 साली आलेला ‘अमर अकबर एंथनी’, ‘परवरिश’ आणइ ‘खून पसीना’ हे चित्रपट बॉक्स ऑफिसवर यशस्वी ठरले. 1978 साली आलेल्या ‘डॉन’, ‘त्रिशूल’, ‘मुकद्दर का सिकंदर’ आणि ‘कसमे वादे’ या चित्रपटांनी त्यांना सुपरस्टारवरुन मेगास्टार बनवलं.
