Girija Raut on Vinayak Raut : स्पष्ट सांगायचं तर विनायक राऊत (Vinayak Raut) हे त्यांच्या दुसऱ्या पत्नी आणि मुली बरोबर दुसऱ्या घरात राहतात. आणि आम्ही ज्या घरी राहतो ते झोपडपट्टीत आहे. आम्हाला लग्नाच्या बोलनीपासून कधीही सांगण्यात आलं नव्हतं की दुसरे घर हे झोपडपट्टीत आहे. विनायक राऊत हे नवरात्रीच्या घट बसतो त्या दिवशी आणि घट उठतो म्हणजे दसऱ्याच्या दिवशी फक्त त्याच दोन दिवशी आमच्या घरी यायचे, इतर वेळेस कधीही आमच्या घरी आले नाहीत. ते कायम नाला फोनवरून सांगायचे तू अमुक गोष्ट कर, तमुक गोष्ट कर. तू ही जबाबदारी घ्यायला पाहिजे, पण त्यांनी त्यांच्या मुलाला (Gitesh Raut), बायकोला कधीच कुठली गोष्ट समजावून सांगितली नाही. त्यांनी कधीही पुढाकार घेऊन आमच्याशी योग्य वागणूक दिली नाही. त्यामुळे दोघांचा अजून राग आणि मनस्ताप ज्याला आपण बोलू शकतो तो त्यांनी माझ्यावर अजून जास्त प्रमाणात व्यक्त केला. एक कुटुंबप्रमुख म्हणून माझ्या सासऱ्यांनी (Vinayak Raut) जे सगळं सांगायला पाहिजे होतं, ते त्यांनी कधीही केलं नसल्याचा सनसनाटी आरोप माजी खासदार आणि ठाकरेंच्या शिवसेनेचे (Shivsena UBT) ज्येष्ठ नेते विनायक राऊत (Vinayak Raut) यांची सून गिरीजा राऊत यांनी केले आहे. (Girija Raut Serious allegations on Vinayak Raut)
माजी खासदार विनायक राऊत (Vinayak Raut), त्यांचा मुलगा आणि मुंबई महानगरपालिकेतील नगरसेवक गितेश राऊत (Gitesh Raut) यांच्यासह त्यांच्या संपूर्ण कुटुंबाविरोधात ठाण्यात गुन्हा दाखल करण्यात आला आहे. विनायक राऊत यांची सून गिरीजा राऊत (Girija Raut) यांनी दिलेल्या तक्रारीवरून ठाण्यातील कापूरबावडी पोलीस ठाण्यात हा गुन्हा नोंदवण्यात आला आहे. यामध्ये कौटुंबिक छळासोबतच ‘जादूटोणा विरोधी कायद्यान्वये’ गुन्हा दाखल करण्यात आल्याची माहिती आहे. त्यानंतर गिरीजा राऊत यांनी पत्रकार परिषद घेत या बाबत काही गंभीर खुलासे केले आहे.
Girija Raut on Vinayak Raut : मी सात वर्ष इथे होते, माझ्याकडे बऱ्याच संधी होत्या, पण….
अघोरी कृत्यांसाठी आम्ही जिथे जिथे गेलेलो आहोत ते सगळे कोकणपट्ट्यातले आहेत आणि मूळतः ते सिंधुदुर्ग पट्ट्यातले आहेत. त्यांनी जिथे जिथे सांगितलेलं आहे तिथे तिथे आम्ही सगळीकडेच इलाज केलेले आहे. त्यांनी जो आरोप केला आहे त्यावर त्यांनी विचार करावा की मी सात वर्ष इथे होते, माझ्याकडे बऱ्याच संधी होत्या, ज्यानुसार मी पैसे उकळू शकले असते. किंवा इतर गोष्टींवर माझा हक्क दाखवू शकले असते. पण मी त्याच्यात कधीही नव्हते आणि माझ्या सिम्पल अपेक्षा होत्या माझ्या नवऱ्याबरोबर माझा सुखी संसार आणि माझ्या घरच्यांबरोबर आनंदाने नांदणे इतकीच अपेक्षा होती. मात्र ते न होता त्यांनी माझा मानसिक, शारीरिक त्रास देत माझं अपमानीत आयुष्य केल्याचा आरोपही गिरीजा राऊत (Girija Raut) यांनी केला आहे.
मी आणि माझ्या कुटुंबीयांवर लावलेले आरोप खोटे- विनायक राऊत (Vinayak Raut On Girija Raut)
मी आणि माझ्या कुटुंबीयांवर लावलेले आरोप खोटे आहेत. गेल्या तीन वर्षांपासून गितेश आणि गिरीजा एकत्र राहत नाहीत. 2018 मध्ये घटना घडली असे सांगते आणि 2026 मध्ये त्याची तक्रार करत आहेत. यातंच काही काळं आहे. प्रत्येक वेळी तिचे आई-वडील तिच्यासोबत होते. सध्या त्यांची घटस्फोट केस सुरू आहे, अशी माहिती विनायक राऊतांनी दिली. या नोटिशीमध्ये दर महिन्याला खर्चासाठी 5 लाख द्यावे, अशी मागणीही गिरीजा राऊत यांनी केली होती. याशिवाय 10 कोटींची अधिक रक्कम द्यावी. मानसिक नुकसान भरपाई 2 कोटी द्यावी, अशी मागणी गिरीजा राऊत यांनी केली आहे. 5 रूमचं घर आणि ऑटोमॅटीक गाडी मागितली आहे. या मागण्या पूर्ण होत नाहीत, म्हटल्यावर तिने तक्रार केली, असा दावा विनायक राऊतांनी केला. आम्ही अघोरी उपचारांच्या आरोपांचे पूर्ण खंडन करतो. आम्ही त्या पंथातले नाही. आई-वडील समोर असताना तेव्हा तक्रार केली नाही. या संदर्भात आम्ही न्यायालयात गेलो आहोत, असं विनायक राऊत म्हणाले.
Sanjay Raut Vs Devendra Fadnavis Special Report : राऊतांनी डिवचलं, बावनकुळे, फडणवीसांना शुभेच्छा
