भारत आणि अफगाणिस्तान यांच्यातील तीन सामन्यांच्या एकदिवसीय मालिकेतील अंतिम सामना चेन्नई येथे खेळला गेला. मालिकेतील पहिल्या दोन सामन्यांमध्ये टीम इंडियासाठी रोहित शर्माची बॅट शांत राहिली होती, ज्यामुळे त्याच्या एकदिवसीय कारकिर्दीबद्दल प्रश्न निर्माण झाले होते. इंग्लंडविरुद्धची रोहितची शेवटची मालिका असणार असे म्हटले जात होते. रोहितचा फॉर्म हा चिंतेचा विषय बनला होता. मात्र, अफगाणिस्तानविरुद्ध तिसऱ्या आणि अंतिम सामन्यात रोहितने पुनरागमन केले आणि 79 धावांची शानदार खेळी केली. रोहितने बॅटने जोरदार कमबॅक करत सगळ्यांची तोंड बंद केली. रोहितच्या जोरदार कमबॅकनंतर आता तो 2027 चा विश्वचषकापर्यंत संघात टिकून राहिल अशी शक्यता नाकारता येत नाही. रोहितच्या कमबॅकनंतर, टीम इंडियाचा कर्णधार शुभमन गिलने रोहित शर्माबद्दल एक विधान केले आहे.
अफगाणिस्तानविरुद्धच्या पहिल्या सामन्यात रोहित शर्मा 16 धावांवर धावबाद झाला, त्यानंतर दुसऱ्या सामन्यात 48 धावा करून तो बाद झाला. यानंतर, त्याने क्रीजवर बराच वेळ घालवला आणि तिसऱ्या सामन्यात शानदार फलंदाजी केली. भारतासाठी एकदिवसीय क्रिकेट खेळणाऱ्या सर्वात वयस्कर खेळाडूंपैकी एक असलेल्या रोहित शर्माबद्दल विजयानंतर शुभमन गिलने आपली प्रतिक्रिया दिली.
गिल म्हणाला की, “सर्व खेळाडू फॉर्ममध्ये असणे ही कर्णधारासाठी एक चांगली डोकेदुखी आहे. इंग्लंड दौऱ्यावर काय होईल हे आपण आत्ताच सांगू शकत नाही. संघ जाहीर झाल्यानंतरच सर्वोत्तम प्लेइंग इलेव्हनची निवड केली जाईल. आम्हाला प्रत्येक खेळाडूचे निरीक्षण करावे लागेल आणि त्यानंतरच आम्ही निर्णय घेऊ शकतो. ” आतापर्यंत शुभमन गिल आणि रोहित शर्मा एकदिवसीय क्रिकेटमध्ये भारतीय संघासाठी डावाची सुरुवात करत होते.
मात्र, जेव्हा विराट कोहली अफगाणिस्तानविरुद्धच्या मालिकेतून बाहेर पडला, तेव्हा यशस्वी जयस्वालला संधी देण्यात आली. पहिल्या सामन्यात गिल आणि रोहितने सलामी दिली, पण दुसऱ्या सामन्यात कर्णधार गिलने स्वतः तिसऱ्या क्रमांकावर फलंदाजी करत जैस्वालला त्याची जागा दिली. तर तिसऱ्या सामन्यातही जयस्वालला सलामीची संधी दिली. तिसऱ्या क्रमांकावर तिसऱ्या सामन्यात श्रेयस अय्यरला पाठवले. जयस्वालने तिसऱ्या सामन्यांमध्ये आणखी एक शतक झळकावून आपल्या जागेसाठी प्रबळ दावा केला. मात्र, कोहलीच्या पुनरागमनामुळे, रोहित चांगल्या फॉर्ममध्ये असूनही, त्याला बाहेर बसावे लागू शकते. यामुळेच अफगाणिस्तानविरुद्धची एकदिवसीय मालिका जिंकूनही गिलची चिंता संपलेली नाही.
