राजा रघुवंशीनंतर आता केतन अग्रवाल (Ketan Agarwal) याचं नाव देशभरात चर्चेत आहे. देशाच्या एखाद्या कोपऱ्यात आणखी एखादी सोनम रघुवंशी लपली असेल याचा कोणीच विचारही केला नव्हता. केतनने आपली होणारी पत्नी सिया (Siya goyal) हिला तिच्या वाढदिवसापूर्वी एक जबरदस्त सरप्राईज दिलं होतं; पण त्याच केतनचा सियाने दुसऱ्या एका पुरुषासाठी बळी घेतला. नुकत्याच समोर आलेल्या एका व्हिडिओवरून केतन आणि सियाची कहाणी एखाद्या परीकथेसारखी वाटते. गाडीत बसले असताना केतनने आपल्या हातांनी सियाचे डोळे झाकले, तिला सुंदर फूल भेट दिलं. त्याची भेट पाहून, तिच्या चेहऱ्यावर जे हावभाव दिसतात, ते पाहून कोणाच्याही चेहऱ्यावर हसू उमटेल. पण याच हास्यामागे किती क्रूर चेहरा आणि काय करण्याचं प्लानिग होतं, याचा कोणीच विचारही करू शकत नाही. त्याच सियाच्या मनात एका खुनाचा भयंकर कट शिजत होता, यावर कोणाचाच विश्वासही बसणार नाही.
केतनचं प्रेम पाहूनही सियाच मन द्रवलं नाही
समोर आलेल्या व्हिडीओत केतन आणि सियाचे प्रेमाचे काही क्षण दिसतात. केतनने दिलेली फुलं पाहून तिचा चेहरा आनंदाने उजळून निघाला; जसं काही संपूर्ण जगच तिला गवसलं होतं. तिच्या चेहऱ्यावरचा तो आनंद, तिच्या मनात दडलेल्या द्वेषाची अजिबात जाणीव करून देत नव्हता. त्यानंतर केतनकडून मिळालेल्या आणखी एका सरप्राईजमुळे सिया खूप आनंदी झाली, जणू तकी हवेत तरंगत्ये. केतनने एक बटण दाबून, गाडीचे ‘सनरूफ’ उघडताच, त्यावर असलेली ती सुंदर फुलांची सजावट पाहून सियाच्या चेहऱ्यावरून आनंद ओसंडून वाहू लागला आणि तिने क्षणाचाही विलंब न लावता त्याला मिठी मारली.
सियाचा खरा चेहरा केतनला कळलाच नाही
सियाला मिठी मारताना केतनचा आनंद गगनात मावेनासा झाला होता. पण केतनचं ज्या मुलीवर जीवापाड प्रेम होतं, तीच सिया जीव घेण्याच्या तयारीत होती, याची त्याला पुसटशी कल्पनाही नव्हती. सियाच्या निरागस चेहऱ्यामागे एक कपटी स्त्री दडलेली आहे हे ओळखण्यात तो सपशेल अपयशी ठरला; सियाने दाखवलेल्या त्या खोट्या व्यक्तिमत्त्वालाच केतनने तिचं खरं सत्य मानलं. सिया त्याला जे काही दाखवत होती, तेच पूर्ण सत्य आहे असं केतनला वाटत होतं. सियासारखी होणारी पत्नी मिळाल्यामुळे आपले आयुष्य एखाद्या परीकथेसारखं झालंय अशी भावना त्याच्या मनात होत.. पुढे काय संकट आपल्यावर चालून येणार आहे, याची त्याला अजिबात कल्पना नव्हती.
सोबत डान्सही केला, मग त्याच सियाने केतनचा जीव घेतला
आणखी एका व्हिडीओमधये सिया आणि केतन सेलिब्रेशन करताना दिसले, केतना तिला एकाक2फेमध्ये घेऊन गेला, लाइव्ह म्युझिक सुरू असताना, त्याने तिवा प्रपोजही केलं. यावेळी सिया खूप खुश होती. एखाद्या मुलीला आपला जीवनसाथी मिळाल्यावर जो आनंद होतो, तोच तिच्या चेहऱ्यावर झळकत होता. त्यानंतर सिया आणि केतन यांनी डान्सही केला. मात्र नंतर जे घडलं ते अतिशय भयानक होतं.
लोहगड किल्ल्यावरून केतनला दिला धक्का
सियाने वाढदिवसापूर्वीच्या ‘सरप्राईज’चे निमित्त करून केतनलाच नाही, तर तिचा कथित प्रियकर चेतनलाही लोहगड किल्ल्यावर बोलावलं होतं. संशय येऊ नये म्हणून चेतनने आपला मोबाईल फोन कोंढव्यातील घरीच ठेवला होता. एवढंच नव्हे तर आपली ओळख लपवण्यासाठी त्याने कपडेही बदलले होते. कडक उन्हात लोहगडाकडे जाताना, चेतन ‘हुडी’ (hoodie) घालून, हेडफोन्स लावून चेहरा झाकत चावतान दिसल्याचे CCTV फुटेज पोलिसांना मिळालं.
18 जूनला लोहागड किल्ल्यावर केतन जेव्हा त्याच्या मोबाईलवरून फोटो काढत होता, तेव्हाच सियाने त्याला शेकडो फूट खोल दरीत ढकलून दिले. त्यानंतर, केतनचा पाय घसरून तो खाली पडला, असा दावा करत तिने स्वतःच पोलिसांना फोन केला. पोलीस आणि कुटुंबीय तातडीने घटनास्थळी पोहोचले. अशा प्रकारे, सिया गोयलचा ‘प्लॅन बी’ यशस्वी झाली आणि तिने केतनचा बळी घेतला.
