Sanchita Ugale : संचिता उगलेची काही तासांपूर्वीचीच पोस्ट! पाहून विश्वास बसणार नाही तिने आयुष्य संपवलं | ताज्या मनोरंजन बातम्या

संचिताची इन्स्टाग्रामवर शेवटची पोस्ट काही तासांपूर्वीचच आहे. ‘मैं नाचू तू नचा’ असं कॅप्शन तिने या व्हिडीओला दिलं आहे. व्हिडीओत ती हातात कॅमेरा घेऊन दिसते. मागे डफली वाले डफली बजा, असे गाण्याचे बोल ऐकू येतात. हे गाणं स्वत: गात हातातील कॅमेऱ्याकडे पाहत ती एक्स्प्रेशन देत असते.

संचिताचा हा मृत्यूच्या काही तास आधीचा व्हिडीओ आहे. ज्यात ती खूप आनंदी दिसते आहे. तिचा हा व्हिडीओ पाहिल्यानंतर तिने स्वत: तिचं आयुष्य संपवलं यावर विश्वासच बसत नाही आहे. किंबहुना इतकी आनंदी असताना तिने आयुष्य का संपवलं असा प्रश्न अनेकांना पडला आहे.

अभिनेत्रीचे वडील मच्छिंद्र उगले यांनी दिलेल्या फिर्यादीवरून आचोळे पोलिसांनी रविवारी 15 जून भारतीय नागरिक सुरक्षा संहिता (बीएनएसएस) कलम 194 अंतर्गत आकस्मिक मृत्यूची नोंद (एडीआर) केली आहे. पोलिसांनी सांगितलं की, तपास पूर्ण झाल्यानंतरच आत्महत्येमागील खरे कारण स्पष्ट होणार आहे.