Vijay – Trisha : तामिळनाडूचे मुख्यमंत्री आणि अभिनेत्री त्रिशा कृष्णन याच्या रिलेशनशिपच्या चर्चांनी सध्या जोर धरला आहे. गेल्या अनेक वर्षांपासून दोघांच्या रिलेशनशिपच्या चर्चा रंगत आहेत. पण दोघांनी देखील यावर अद्याप अधिकृत घोषणा केलेली नाही. सर्वात महत्त्वाची गोष्ट म्हणजे, दोघांच्या रिलेशनशिपच्या चर्चांनी आणखी जोर धरला जेव्हा, मुख्यमंत्री शपथ विधी सोहळ्याला त्रिशा उपस्थितीत होती. एवढंच नाही तर, विजय यांच्या कुटुंबियांसोबत अभिनेत्रीचे अनेक फोटो आणि व्हिडीओ देखील व्हायरल झाले. आता दोघांनी गुपचूप साखरपुडा उरकला असल्याच्या चर्चांनी देखील जोर धरला आहे. सोशल मीडियावर व्हायरल होत असलेल्या फोटोंमुळे साखरपुड्या चर्चांनां उधाण आलं आहे.
विजय आणि त्रिशा एकमेकांना डेट करत असल्याच्या चर्चा सुरू असतानाच, एका व्हायरल फोटोमुळे त्यांच्या गुपचूप साखरपुड्याबाबत तर्क-वितर्क लावले जात आहेत. या फोटोमध्ये त्रिशाने पिंपळाच्या पानाचा आकार असलेले लॉकेट असलेला एक नवीन हार घातलेला दिसत आहे; हे लॉकेट लग्नावेळी पारंपरिकरीत्या घातल्या जाणाऱ्या पवित्र पेंडंट्ससारखं दिसत आहे. त्यामुळे, यामुळे त्यांच्या साखरपुड्यावर किंवा लग्नावर शिक्कामोर्तब झाले आहे का, असा प्रश्न चाहत्यांना पडला आहे.
व्हायरल फोटो आणि व्हिडीओ मागील सत्य नेमकं काय?
सांगायचं झालं तर, व्हिडीओ आताचा नाही, तर फार जुना आहे… हा व्हिडीओ तेव्हाचा आहे, जेव्हा त्रिशा ‘ठग लाईल’ सिनेमाच्या प्रमोशनसाठी आलेली. विजय यांच्या खासगी आयुष्याबद्दल सांगायचं झालं तर, संगीता यांनी घटस्फोटासाठी कोर्टात अर्ज दाखल केला आहे… त्यांनी विजय यांच्यावर गंभीर आरोप करत घटस्फोट घेण्याचा निर्णय घेतला आहे..
विजय यांचं एक अभिनेत्रीसोबत गेल्या अनेक वर्षांपासून अफेअर आहे… मी त्यांना अनेकदा संधी दिली. पण त्यांनी कुटुंबाला प्राधान्य दिलं नाही… असं संगीता यांनी कोर्टात अर्ज दाखल करत म्हटलं आहे. विजय यांच्या पत्नीने आरोप केल्यानंतर विजय आणि त्रिशा यांच्या अफेअरच्या चर्चांनी जोर धरला. पण यावर अद्याप दोघांनी देखील अधिकृत घोषणा केलेली नाही.
त्रिशा हिच्या प्रोफेशनल आयुष्याबद्दल सांगायचं झालं तर, अभिनेत्री ‘करुप्पु’ सिनेमाच्या माध्यमातून चाहत्यांच्या भेटीस आलेली. सिनेमा बॉक्स ऑफिसवर देखील दमदार कमाई केली. सिनेमा आता ओटीटी प्लॅटफॉर्मवर देखील प्रदर्शित झाला आहे. त्रिशा सोशल मीडियावर देखील कायम सक्रिय असते. सोशल मीडियावर तिच्या चाहत्यांची संख्या देखील फार मोठी आहे…
